قازاقستاندىق ەركىن كۇرەس شەبەرى ريزابەك ايتمۇحان ۆەتنامدا ءوتىپ جاتقان جاستار اراسىنداعى ازيا چەمپيوناتىندا جەڭىمپاز اتاندى, دەپ حابارلايدى Egemen.kz
فينالدا قازاقستاندىق بالۋان ۇندىستاندىق بالۋانعا ەش مۇمكىندىك قالدىرماي, 10:0 ەسەبىمەن باسىم ءتۇسىپ, كەزدەسۋدى مەرزىمىنەن بۇرىن اياقتادى. تۋرنير بارىسىندا ايتمۇحان وزبەكستان مەن قىرعىزستان سپورتشىلارىن دا سەنىمدى تۇردە ۇتتى.
ريزابەك ءۇشىن بۇل تۋرنير جاڭا سالماقتاعى العاشقى ماڭىزدى حالىقارالىق جارىستاردىڭ ءبىرى بولدى.
وعان دەيىن ايتمۇحان 97 كەلىگە دەيىنگى سالماقتا كۇرەسىپ كەلگەن. ازيا چەمپيوناتى الدىنداعى سوڭعى ءتۋرنيرى قازاقستان كۋبوگى بولعان ەدى. سول جارىستا ايتمۇحان ءبىرىنشى ورىندى يەلەندى. فينالدا ول شىعىس قازاقستان وبلىسىنىڭ بالۋانى نۇرداۋلەت بەكەنوۆتەن باسىم تۇسكەن بولاتىن.