بۇل تۋرالى پارلامەنت ءماجىلىسىنىڭ دەپۋتاتى, «AMANAT» پارتياسى فراكتسياسىنىڭ مۇشەسى ەرلان سايروۆ «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ العاشقى جيىنىندا مالىمدەدى, دەپ حابارلايدى Egemen.kz.
دەپۋتاتتىڭ ايتۋىنشا, مەملەكەت باسشىسى قاسىم-جومارت توقاەۆ بيلىككە كەلگەن كۇننەن باستاپ ەلىمىزدى ودان ءارى دەموكراتيالاندىرۋ ءىسىن ايقىنداعانىن اتاپ ءوتتى.
«پرەزيدەنت ءپليۋراليزمدى دامىتۋعا ىقپال ەتۋدى ءوز مىندەتى سانايتىنىن ايتقان ەدى. بۇل ساياسي ۇستانىم بۇگىنگە دەيىن دايەكتى تۇردە جۇزەگە اسىرىلىپ كەلەدى. ەلىمىزدەگى ساياسي جۇيەنى جەتىلدىرۋدىڭ سالماقتى ءارى ەۆوليۋتسيالىق جولى ناقتى ناتيجە بەرىپ وتىر. بۇل قۇجاتتا بيلىكتىڭ حالىق الدىنداعى جاۋاپكەرشىلىگى ايقىن كورىنىس تاپتى», دەدى ەرلان سايروۆ.
دەپۋتات ساياسي دامۋ مەن ەكونوميكالىق سەرپىن تۇراقتىلىقپەن تىكەلەي بايلانىستى ەكەنىن اتاپ ءوتتى.
ونىڭ پىكىرىنشە, گەوساياسي تۇراقسىزدىق جاعدايىندا مۇنداي كونستيتۋتسيالىق نەگىز ەرەكشە ماڭىزعا يە. دەپۋتات جاڭا قۇجاتتا قازاقستان ۇلى دالا وركەنيەتىنىڭ مۇراگەرى ەكەنى العاش رەت بەلگىلەنگەنىن اتاپ ءوتتى. سونىمەن قاتار ول الەمدىك كونستيتۋتسيوناليزم تاريحىنان مىسال كەلتىرە وتىرىپ, زاڭنىڭ, ەڭ الدىمەن بۇگىنگى بۋىننىڭ مۇددەسىنە قىزمەت ەتۋى كەرەك ەكەنىن ەسكە سالدى. ەرلان سايروۆتىڭ ايتۋىنشا, جاڭا كونستيتۋتسيا جوباسى وسكەلەڭ ۇرپاقتىڭ ساياسي مۇددەسى تۇرعىسىنان جازىلعان.
جاڭا كونستيتۋتسيا جوباسى بويىنشا رەفەرەندۋمعا قانشا قاراجات جۇمسالادى؟
ەسكە سالا كەتەيىك, بۇگىن استانادا كونستيتۋتسيالىق رەفورمانى قولداۋ ماقساتىندا «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» دەپ اتالاتىن جالپىۇلتتىق كواليتسياسى قۇرىلدى. ونىڭ قۇرامىنا ەلىمىزدەگى ساياسي پارتيالار, قوعامدىق ۇيىمدار, دەپۋتاتتار, زيالى قاۋىم وكىلدەرى, جاستار بىرلەستىكتەرى, كاسىپوداق ۇيىمدارى جانە تاعى باسقالار كىردى.
جاڭا كونستيتۋتسيانى قولدايتىن جالپىۇلتتىق كواليتسيا قۇرىلدى