«الماتى» الەۋمەتتىك-كاسىپكەرلىك كورپوراتسياسى تاراپىنان الەۋمەتتىك باعىتتاعى كاسىپكەرلىكتى دامىتۋ ماقساتىندا 31 كاسىپكەرگە بيزنەستەرىن كەڭەيتۋ ءۇشىن كوممەرتسيالىق ماقساتتاعى نىساندار بەرىلگەن, دەپ حابارلايدى Egemen.kz.
نىساندار قۇنى ءبىر شارشى مەترىنە 0,1 اەك نەمەسە بيىلعى جىلعا بەلگىلەنگەن مولشەرگە سايكەس 432,5 تەڭ جەڭىلدەتىلگەن شارتپەن جالعا بەرىلگەن. بۇل نارىقتىق باعادان ايتارلىقتاي تومەن. كوممەرتسيالىق نىساندار «الماتى» اكك رەسمي سايتىندا جاريالاناتىن اشىق بايقاۋ ارقىلى, قولايلى ورىندار پايدا بولعان سايىن ۇسىنىلادى.
بايقاۋعا الەۋمەتتىك كاسىپكەرلىك سالاسىندا جۇمىس ىستەيتىن كاسىپكەرلەر قاتىسا الادى. ينكليۋزيا, دەنساۋلىق ساقتاۋ جانە ءبىلىم بەرۋ باعىتىنداعى جوبالارعا باسىمدىق بەرىلەدى. بايقاۋ جەڭىمپازىمەن جالداۋ شارتى ءۇش جىلعا دەيىنگى مەرزىمگە, ۇزارتۋ مۇمكىندىگىمەن جانە ساتىپ الۋ قۇقىعىنسىز راسىمدەلەدى.
سونىمەن قاتار, ءۇش ايعا دەيىن جالداۋ اقىسى الىنبايتىن جەڭىلدىك كەزەڭى قاراستىرىلعان. وسى تەتىك اياسىندا ەرەكشە قاجەتتىلىگى بار جاندارعا ارنالعان بەيىمدەۋ جانە وڭالتۋ ورتالىقتارى اشىلىپ, ەرەكشە ءبىلىم بەرۋ قاجەتتىلىگى بار بالالارعا لوگوپەديالىق, دەفەكتولوگيالىق, سەنسورلىق جانە نەيروپسيحولوگيالىق باعىتتاعى ساباقتار ۇيىمداستىرىلعان.
سونداي-اق, ايەلدەرگە, جاسوسپىرىمدەرگە جانە زەينەت جاسىنداعى ازاماتتارعا ارنالعان شىعارماشىلىق شەبەرحانالار مەن ۇيىرمەلەر جۇمىس ىستەپ تۇر.
جامبىل وبلىسىندا 40 مىڭنان استام جۇمىس ورنى اشىلادى
مۇنداي جوبالاردى قولداۋ تۇراقتى جۇمىس ورىندارىن اشۋعا جانە الەۋمەتتىك وسال توپتاردى ەكونوميكالىق بەلسەندىلىككە تارتۋعا ىقپال ەتىپ وتىر. ماسەلەن, جوبالاردىڭ ءبىرى اياسىندا تىگىن ءوندىرىسى ىسكە قوسىلىپ, الەۋمەتتىك وسال توپتاعى ايەلدەر جۇمىسپەن قامتىلدى. بۇل ولاردىڭ الەۋمەتتىك بەيىمدەلۋىنە جانە تابىسىن ارتتىرۋعا مۇمكىندىك بەردى. اتالعان ارىپتەستىك ناتيجەسىندە «الماتى» اكك مەن الەۋمەتتىك كاسىپكەرلەردىڭ سەرىكتەستىگى ارقىلى قالادا جالپى سانى 217 جاڭا جۇمىس ورنى اشىلدى.
ەڭبەك نارىعىنداعى سايكەسسىزدىك: بوس جۇمىس ورنى كوپ پە الدە جۇمىسسىزدار ما؟