ەلىمىزدەگى وڭدەۋ ونەركاسىبى تۇراقتى دامۋ قارقىنىن ساقتاپ وتىر. ونەركاسىپ جانە قۇرىلىس مينيسترلىگى جاريالاعان دەرەكتەرگە سايكەس, 2025 جىلى سالاداعى ءوندىرىس كولەمى 6,4% وسكەن, دەپ جازادى Egemen.kz.
مينيسترلىك مالىمەتىنشە, وڭ ديناميكا بىرقاتار باعىتتا بايقالدى. اتاپ ايتقاندا, مەتاللۋرگيا سالاسى 1,2% وسسە, ماشينا جاساۋ ءوندىرىسى 12,9% ارتقان. سونداي-اق حيميا ونەركاسىبى 9,8%, قۇرىلىس ماتەريالدارىن ءوندىرۋ 9,7%, ال رەزەڭكە مەن پلاستماسسا بۇيىمدارىن شىعارۋ 7,6% ۇلعايعان.
بىلتىر مينيسترلىك شامامەن 1,5 ترلن تەڭگە كولەمىندەگى 190 وندىرىستىك جوبانى ىسكە قوسىپ, 22 مىڭنان استام تۇراقتى جۇمىس ورنىن اشتى. بۇدان بولەك, 800-دەن استام كومپانيا تىركەلگەن قازاقستاندىق تاۋار وندىرۋشىلەر ءتىزىلىمى جاساقتالدى. ينۆەستيتسيالىق ساياسات اياسىندا ءۇش جاڭا ارنايى ەكونوميكالىق ايماق قۇرىلىپ, ءىرى جوبالار بويىنشا 13 كەلىسىمگە قول قويىلدى.
وڭدەۋ ونەركاسىبىنىڭ جول كارتاسى ازىرلەندى
قۇرىلىس سالاسىندا رەكوردتىق كورسەتكىشەسەپتى كەزەڭدە قۇرىلىس سالاسى دا وڭ ناتيجەلەرگە قول جەتكىزدى. تۇرعىن ءۇي قۇرىلىسى جوسپارلانعان دەڭگەيدەن اسىپ, جاڭا رەكورد ورناتتى. جوسپارداعى 19,2 ملن شارشى مەتردىڭ ورنىنا 20,1 ملن شارشى مەتر تۇرعىن ءۇي پايدالانۋعا بەرىلدى. بۇل دەگەنىمىز – 185 مىڭنان استام باسپانا. سونىمەن قاتار سالانىڭ تۇراقتى دامۋىنا نەگىز بولاتىن جاڭا قۇرىلىس كودەكسى قابىلداندى.
باق: قازاقستان سيرەك كەزدەسەتىن مينەرالداردى وڭدەۋدە ءۇش جوبانى ىسكە قوسۋعا دايىندالۋدا
گەولوگيا مەن جەر قويناۋىن پايدالانۋ: جاڭا كەزەڭ2025 جىلى مينەرالدىق-شيكىزات بازاسىن تولىقتىرۋ, جەر قويناۋىن ءتيىمدى يگەرۋ ماقساتىندا جەر قويناۋى جانە جەر قويناۋىن پايدالانۋ تۋرالى كودەكس قابىلدانىپ, 17 جاڭا كەن ورنى مەملەكەتتىك ەسەپكە الىندى. ال 2026 جىلى جاڭا بۋىنداعى 1:50 000 ماسشتابتاعى ەگجەي-تەگجەيلى كارتالاردى ازىرلەۋ شەڭبەرىندە ەل اۋماعىنىڭ 100 مىڭ شارشى شاقىرىمى زەرتتەلمەك. كەيىن بۇل كورسەتكىش جىل سايىن قوسىمشا 30 مىڭ شارشى شاقىرىمعا ۇلعايتىلىپ وتىرادى.
مەملەكەت باسشىسى ۇكىمەتكە ەلدەگى مۇناي وڭدەۋ زاۋىتتارىن جەدەل جاڭعىرتۋدى تاپسىردى