بۇل تۋرالى بۇگىن پارلامەنت ءماجىلىسىنىڭ دەپۋتاتى, «AMANAT» پارتياسى فراكتسياسىنىڭ مۇشەسى ءۇنزيلا شاپاق «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ العاشقى جيىنىندا مالىمدەدى, دەپ حابارلايدى Egemen.kz.
دەپۋتات كونستيتۋتسيانىڭ پرەامبۋلاسىن قايتا قاراۋ جونىندە ۇسىنىس بىلدىرگەنىن اتاپ ءوتتى.
«اتا زاڭى مىقتى ەلدىڭ – تۇعىرى بەرىك, تۋى بيىك. زامان وزگەرەدى. ونىمەن بىرگە قوعام دا, قۇندىلىقتار دا جاڭعىرادى. مەملەكەتتىڭ شىنايى قۋاتى – ونىڭ ماڭگىلىك قۇندىلىقتارىندا», دەدى ءۇنزيلا شاپاق.
ول رەفەرەندۋمعا ۇسىنىلىپ وتىرعان كونستيتۋتسيا جوباسى ەگەمەندىك پەن تاۋەلسىزدىكتى, اۋماقتىق تۇتاستىق پەن مەملەكەتتىك شەكارانىڭ مىزعىماستىعىن ەڭ جوعارى قۇندىلىق رەتىندە ناقتى بەكىتەتىنىن ەرەكشە اتاپ ءوتتى. سونىمەن قاتار دەپۋتات جاڭا قۇجاتتا ەلدىڭ تەرەڭ تاريحي تامىرىنا دا ايرىقشا ءمان بەرىلگەنىن جەتكىزدى. ونىڭ ايتۋىنشا, جاڭا اتا زاڭ جوباسىندا مىڭجىلدىق تاريحىمىز العاش رەت مىزعىماس ۇلتتىق قۇندىلىق رەتىندە تانىلدى.
«قازاق ەلى – ايبىنى اسقاق مەملەكەتتەردىڭ زاڭدى مۇراگەرى. ۇلان-عايىر ۇلى دالا – كوشپەلىلەر وركەنيەتىنىڭ التىن بەسىگى. ادامدى ارداقتاعان, ادامي قاسيەتتى قادىرلەگەن ۇلى دالادا دەموكراتيانىڭ تەرەڭ تامىرى قالىپتاسقان. وسى بەرىك ءداستۇردىڭ زاڭدى جالعاسىنداي جاڭا زاڭ جوباسىندا ادام قۇقىقتارى مەن بوستاندىقتارى ەڭ جوعارى قۇندىلىق دەپ جاريالاندى», دەدى ول.
دەپۋتاتتىڭ پىكىرىنشە, «ادىلەتتى قازاقستان» يدەياسىنىڭ وزەگى دە وسى قاعيداتتارمەن تىكەلەي بايلانىستى. سونداي-اق ول ادىلەتتىلىك, زاڭ مەن ءتارتىپ, تابيعاتتى قورعاۋ – ەل دامۋىنىڭ وزەگى, مەملەكەتتىلىكتىڭ تىرەگى ەكەنىن اتاپ ءوتتى.
جاڭا كونستيتۋتسيا جوباسى بويىنشا رەفەرەندۋمعا قانشا قاراجات جۇمسالادى؟
«بۇگىنگى الماعايىپ زاماندا سىن-قاتەردەن سۇرىنبەي وتەتىن جالعىز جول – ينتەللەكتۋالدى, وزىق ويلى ۇلت بولۋ. سوندىقتان مادەنيەت پەن ءبىلىمدى, عىلىم مەن يننوۆاتسيانى زاڭمەن بەكىتۋ – تاريح الدىنداعى پارىزىمىز, بولاشاق الدىنداعى بورىشىمىز», دەپ تۇيىندەدى ول.
جاڭا كونستيتۋتسيا جوباسى بويىنشا رەفەرەندۋمدا قانشا ادام داۋىس بەرە الادى؟
ەسكە سالا كەتەيىك, بۇگىن استانادا كونستيتۋتسيالىق رەفورمانى قولداۋ ماقساتىندا «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» دەپ اتالاتىن جالپىۇلتتىق كواليتسياسى قۇرىلدى. ونىڭ قۇرامىنا ەلىمىزدەگى ساياسي پارتيالار, قوعامدىق ۇيىمدار, دەپۋتاتتار, زيالى قاۋىم وكىلدەرى, جاستار بىرلەستىكتەرى, كاسىپوداق ۇيىمدارى جانە تاعى باسقالار كىردى.
رەفەرەندۋمنىڭ كۇنتىزبەلىك جوسپارى بەكىتىلدى: داۋىس بەرۋ 15 ناۋرىزدا وتەدى