بريۋسسەل قالاسىنداعى قازاق مادەني ورتالىعىندا قازاق پوەزياسىنىڭ كورنەكتى وكىلى, اقيىق اقىن مۇقاعالي ماقاتاەۆتىڭ تۋعانىنا 95 جىل تولۋىنا وراي ادەبي-پوەتيكالىق كەش ۇيىمداستىرىلدى, دەپ حابارلايدى Egemen.kz.
ءىس-شاراعا بەلگيالىق ونەرسۇيەر قاۋىم وكىلدەرى مەن بريۋسسەل قالاسىندا تۇراتىن قازاقستاندىقتار قاتىسىپ, اقىن شىعارماشىلىعىنا تاعزىم ەتتى. كەش اياسىندا مۇقاعالي ماقاتاەۆتىڭ ولەڭدەرى قازاق, فرانتسۋز, اعىلشىن جانە نيدەرلاند تىلدەرىندە وقىلىپ, اقىن پوەزياسى حالىقارالىق اۋديتورياعا كەڭىنەن تانىستىرىلدى.
اتاپ ايتقاندا, بەلگيالىق ۆەندي مرازەك اقىننىڭ «ماحاببات ديالوگى» اتتى تۋىندىسىن قازاق تىلىندە ورىنداپ, كورەرمەندەردىڭ ەرەكشە ىقىلاسىنا بولەندى.
ادەبي كەش قازاق رۋحانياتىن شەتەلدە ناسيحاتتاۋعا جانە ۇلتتىق مادەني مۇرانى دارىپتەۋگە باعىتتالعان ماڭىزدى مادەني شارالاردىڭ ءبىرى بولدى.