الەمگە تانىمال تيكتوكەر, يتاليالىق-سەنەگالدىق كونتەنت اۆتورى حابي لامە جي-اۆاتارىن ساتۋعا اسا ءىرى كوممەرتسيالىق كەلىسىم جاسادى.
مالىمەتكە سايكەس, بلوگەردىڭ سىرت كەلبەتىن, ميميكاسىن جانە تانىمال كونتەنت ءستيلىن كوممەرتسيالىق ماقساتتا پايدالانۋ قۇقىعى ءۇش جىل مەرزىمگە شامامەن 1 ملرد دوللارعا جۋىق سوماعا بەرىلگەن. كەلىسىم شارتىندا ونىڭ جاساندى ينتەللەكت نەگىزىندە تسيفرلىق اۆاتارىن جاساۋعا دا رۇقسات قاراستىرىلعان. مۇنداي ۆيرتۋالدى بەينە بلوگەردىڭ قاتىسۋىنسىز-اق ۆيدەو شىعارىپ, جارنامالىق جانە مەدياكونتەنت تاراتا الادى. سونداي-اق ءارتۇرلى ءتىل مەن ۋاقىت بەلدەۋىنە بەيىمدەلگەن ونلاين ترانسلياتسيالار جۇرگىزۋ مۇمكىندىگى بار. ماماندار بۇل ءۇردىستى ينفليۋەنسەرلەر نارىعىنداعى جاڭا مودەل رەتىندە باعالاپ وتىر. ياعني جەكە تۇلعانىڭ مەديا-بەينەسى دەربەس تسيفرلىق اكتيۆكە اينالىپ, جارناما مەن كونتەنت وندىرىسىندە جاساندى ينتەللەكت كەڭىنەن قولدانىلا باستايدى.