2026 جىلعى 1 شىلدەدەن باستاپ قازاقستاندا ەلەكتروساموكات ەرەجەلەرى قاتاڭدايدى. ەندى كامەلەتكە تولماعاندارعا ەلەكتروساموكاتپەن جۇرۋگە تىيىم سالىنادى. سونىمەن قاتار, ساموكاتتارعا ارنايى نومىرلىك بەلگىلەر ورناتىلىپ, جول قوزعالىسى ەرەجەسىن بۇزعاندار اكىمشىلىك جاۋاپكەرشىلىككە تارتىلادى. بۇل قۇقىق بۇزۋشىنى ناقتى انىقتاۋعا مۇمكىندىك بەرەدى, دەپ حابارلايدى Egemen.kz.
جاڭا تالاپتارعا سايكەس, ەلەكتروساموكاتتى جالعا الۋ ءۇشىن مىندەتتى تۇردە ساقتاندىرۋ ءپوليسى مەن جۇرگىزۋشى كۋالىگى قاجەت بولادى. وسىلايشا, جاسوسپىرىمدەر جالعا بەرىلەتىن ساموكاتتاردى پايدالانا المايدى. ەگەر ولار قانداي دا ءبىر جولمەن ساموكاتتى جالعا السا, جاۋاپكەرشىلىك اتا-انالارىنا جۇكتەلەدى.
ەلوردادا ەلەكتروساموكاتتاردى باقىلاۋدىڭ جاڭا جۇيەسى ەنگىزىلەدى
بۇل ەرەجەلەر تەك جالعا بەرىلەتىن ەلەكتروساموكاتتار مەن ۆەلوسيپەدتەرگە قاتىستى. ال جەكە مەنشىك يەلەرىنە ءنومىر تاعۋ مىندەتتى ەمەس. دەگەنمەن, ولار دا جول قوزعالىسى ەرەجەلەرىن ساقتاۋى ءتيىس. ەرەجە بۇزىلعان جاعدايدا, ولار دا اكىمشىلىك جاۋاپكەرشىلىككە تارتىلادى.