جەڭىس كۇنى قارساڭىندا قاراعاندى وبلىسىندا ۇلى وتان سوعىسىنىڭ ارداگەرلەرىنە 5 ميلليون تەڭگەدەن بىرجولعى تولەم بەرىلدى, دەپ جازادى Egemen.kz.
بۇگىندە اتالعان وڭىردە التى سوعىس ارداگەرى بار. ولاردىڭ بەسەۋى – قاراعاندى قالاسىندا, بىرەۋى – وساكاروۆ اۋدانىندا تۇرادى.
وبلىس اكىمدىگىنىڭ مالىمەتىنشە, جالپى الەۋمەتتىك قولداۋ شارالارىمەن ءوڭىردىڭ 2,1 مىڭنان استام تۇرعىنى قامتىلعان.
قازاقستاندا قانشا سوعىس ارداگەرى قالدى؟
كومەك الۋشىلاردىڭ باسىم بولىگىن تىل ەڭبەككەرلەرى قۇراعان. وبلىستا وسى ساناتتاعى 2029 ادامعا 100 مىڭ تەڭگەدەن بىرجولعى تولەم جاسالعان.
سونداي-اق كونتسلاگەردىڭ بۇرىنعى تۇتقىندارى مەن قورشاۋداعى لەنينگراد تۇرعىندارىنا – 200 مىڭ تەڭگەدەن (33 ادام), قازا تاپقان جاۋىنگەرلەردىڭ جۇبايلارى مەن جەسىرلەرىنە – 50 مىڭ تەڭگەدەن (89 ادام) ۇلەستىرىلگەن.
قوستانايدا سوعىس ارداگەرلەرىنە 5 ميلليون تەڭگەدەن اۋدارىلدى
بۇدان بولەك, ارداگەرلەر ءۇشىن شيپاجاي-كۋرورتتىق ەم الۋ مۇمكىندىگى قاراستىرىلعان. بۇل شىعىندار جەرگىلىكتى بيۋدجەت ەسەبىنەن قارجىلاندىرىلادى.