استانادا جەڭىس كۇنىنە وراي اسكەري تەحنيكا كورمەسى ۇيىمداستىرىلادى. كورمە 9 مامىر كۇنى وتان قورعاۋشىلار مونۋمەنتى جانىندا وتەدى, دەپ حابارلايدى Egemen.kz.
قازاقستان قورعانىس مينيسترلىگىنىڭ مالىمدەۋىنشە مەرەكە كۇندەرى مينيسترلىك وكىلدەرى مەن اسكەري وركەستر ۇلى وتان سوعىسىنىڭ ءاربىر ارداگەرىن ارنايى بارىپ قۇتتىقتايدى.
جەڭىس كۇنىنە وراي 3398 استانالىققا بىرجولعى تولەم بەرىلدى
7 مامىر – وتان قورعاۋشىلار كۇنى «بايتەرەك» مونۋمەنتى الدىندا وتەتىن پلاتس-كونتسەرتپەن باستالادى (12:00–12:30).
ال ساعات 15:00-دە اسكەري وركەستر قالا كوشەلەرىمەن ءجۇرىپ وتەدى: مۋزىكانتتار كەنەسارى حان ەسكەرتكىشىنەن باستاپ, جاعالاۋ بويىمەن جانە «اتىراۋ» كوپىرى ارقىلى ءوتىپ, شەرۋىن ورتالىق ساياباقتاعى كونتسەرتپەن اياقتايدى.
سونىمەن قاتار, كونتسەرتتەر وتان قورعاۋشىلار مونۋمەنتى, «جاستار» سارايى, قالا اكىمدىگى جانە باۋىرجان مومىش ۇلى ەسكەرتكىشى ماڭىندا دا ۇيىمداستىرىلادى.