2026 جىلعى 5 مامىر كۇنى اباي قۇنانباي ۇلى اتىنداعى №87 مەكتەپ-گيمنازياسىندا وتكەن «Profi Day» ماماندىقتار جارمەڭكەسى جوعارى دەڭگەيدە ۇيىمداستىرىلىپ, ءوز ماقساتىنا تولىق جەتكەن مازمۇندى ءارى تاعىلىمدى ءىس-شارا بولدى, دەپ حابارلايدى Egemen.kz.
اتالعان شاراعا «شيپاگەر» مەديتسينالىق كوللەدجى, قازتۇتىنۋوداعىنىڭ جوعارى كوللەدجى, «Smart Bala» جوباسى, اباي مۋزەيى, «اباي» كىتاپحاناسى جانە باسقا دا وقۋ ورىندارى مەن ۇيىمدار بەلسەندى قاتىسىپ, وقۋشىلارعا كاسىبي باعدار بەرۋدە زور ۇلەس قوستى. سونىمەن قاتار كينولوگ, ءمۇسىنشى, ديزاينەر, پسيحولوگ, ءورت ءسوندىرۋشى سىندى ءتۇرلى سالا ماماندارى ءوز تاجىريبەلەرىمەن ءبولىسىپ, ماماندىقتىڭ قىر-سىرىمەن تانىستىردى.
ءىس-شارا بارىسىندا «AQ» ستۋديالارى, «87 band» مۋزىكالىق توبى, «AQ» بي ۇجىمى, اۋديو ستۋديا, «جاسىل مەكتەپ» جىلىجاي جوباسى, «زەردەلى زەيىن» باعىتى جانە «شەبەردىڭ قولى التىن» قولونەر الاڭى ءوز جۇمىستارىن ۇسىنىپ, وقۋشىلاردىڭ قىزىعۋشىلىعىن ارتتىردى. ءاربىر الاڭدا جاسالعان شەبەرلىك ساباقتارى مەن ينتەراكتيۆتى تانىستىرىلىمدار ءبىلىم الۋشىلارعا ناقتى داعدىلاردى كورىپ, بولاشاق ماماندىعىن سانالى تاڭداۋعا مۇمكىندىك بەردى.
Smart Grid مەن جي-ينجەنەرلەرى: ەلىمىزدە جاڭا ماماندىقتار پايدا بولادىوسىنداي ماڭىزدى ءىس-شارانىڭ جوعارى دەڭگەيدە وتۋىنە ۇلەس قوسقان بارلىق وقۋ ورىندارىنا, ماماندارعا, اتا-انالارعا جانە سەرىكتەستەرگە شىنايى العىسىمىزدى بىلدىرەمىز. سىزدەردىڭ قولداۋلارىڭىز – وسكەلەڭ ۇرپاقتىڭ جارقىن بولاشاعىنا جاسالعان ۇلكەن ينۆەستيتسيا.
بۇگىنگى وقۋشى – ەرتەڭگى بىلىكتى مامان. سوندىقتان جاس ۇرپاقتىڭ ءوز جولىن دۇرىس تاڭداپ, ەل دامۋىنا ۇلەس قوساتىن كاسىبي تۇلعا بولىپ قالىپتاسۋى – بارشامىزدىڭ ورتاق مىندەتىمىز.