قازاقستاندىق بيزنەس بۇگىندە جاھاندىق جوعارى باسەكە, تەحنولوگيالىق وزگەرىستەر مەن سىرتقى سىن-قاتەرلەر جاعدايىندا جۇمىس ىستەپ وتىر. «اگروماشحولدينگ KZ» اق پرەزيدەنتى دينارا شۋكيجانوۆانىڭ ايتۋىنشا, مۇنداي جاعدايدا ەرەجەلەردىڭ تۇراقتىلىعى, مەنشىك قۇقىعىن قورعاۋ جانە مەملەكەتتىك ساياساتتىڭ بولجامدىلىعى شەشۋشى مانگە يە, دەپ جازادى Egemen.kz.
«بيزنەس ءۇشىن ەڭ ماڭىزدىسى – رەتتەۋدىڭ تۇراقتىلىعى مەن سالىنعان كۇش-جىگەردىڭ قورعالۋى. ءبىز دامۋىمىزدى بىرنەشە جىل العا جوسپارلايمىز, سوندىقتان تۇسىنىكتى ءارى سەنىمدى ينستيتۋتسيونالدىق ورتا قاجەت», دەدى ول.
اسىرەسە كاپيتالدى كوپ قاجەت ەتەتىن سالالارداعى كاسىپكەرلەر ءوز ستراتەگيالارىن 7-10 جىل العا قۇرادى. جاڭا كونستيتۋتسيا جوباسى كاسىپكەرلىك ەركىندىگىن جانە ءوز مۇلكىنە بيلىك ەتۋ قۇقىعىن بەكىتەتىن قۇقىقتىق نەگىز قالىپتاستىرادى. مونوپوليالىق قىزمەت زاڭمەن شەكتەلىپ, جوسىقسىز باسەكەگە تىيىم سالىنادى. بۇل نارىقتا تەڭ جاعداي قالىپتاستىرۋعا مۇمكىندىك بەرەدى.
«قۋاتتى بيزنەس ەلدىڭ وندىرىستىك جانە كاسىپكەرلىك الەۋەتىن قالىپتاستىرادى. ال قۋاتتى ەكونوميكا قۋاتتى مەملەكەتكە تەڭ», دەپ اتاپ ءوتتى دينارا شۇكىجانوۆا.
مادي مىرزاعاراەۆ: ادىلدىككە دەگەن سەنىم قاعاز جۇزىندە ەمەس, ءىس جۇزىندە جۇزەگە اسادى
ونىڭ پىكىرىنشە, وكىلەتتىكتەردى قايتا ءبولۋ جانە مەملەكەتتىك ينستيتۋتتاردىڭ ەسەپتىلىگىن ارتتىرۋ ەكونوميكالىق ساياساتتىڭ بىرىزدىلىگىن كۇشەيتىپ, رەتتەۋدەگى كۇرت وزگەرىستەر تاۋەكەلىن ازايتادى.
ەرلان سايروۆ: جاڭا كونستيتۋتسيا جوباسىندا مەملەكەتتىڭ ساياسي تۇراقتىلىعىن قامتاماسىز ەتەتىن تەتىكتەر قاراستىرىلدى