بۇل تۋرالى قر پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ سىبايلاس جەمقورلىققا قارسى ءىس-قيمىل اگەنتتىگىنىڭ 2021 جىلدىڭ 1-جارتىجىلدىقتاعى قورىتىندىسى بويىنشا القا وتىرىسىندا ايتتى, دەپ حابارلايدى Egemen.kz.
پرەزيدەنت كومەكشىسىنىڭ ايتۋىنشا, كاسىپكەرلەر قاتاڭ اكىمشىلىك قىسىمعا تۇسكەنى تۋرالى ءجيى شاعىمدانىپ, ارىز جازادى.
«بۇل جەردە كاسىپكەرلەر مەن زاڭبۇزۋشىلار اراسىندا بالانس بولۋ كەرەك. ەل باسشىلىعى بيزنەستى قولداۋدى تاپسىرىپ وتىر. پرەزيدەنت رەيدەرلىككە جاۋاپكەرشىلىكتى كۇشەيتۋ تۋرالى زاڭعا قول قويدى. كوپ جاعدايدا ونى لاۋازىمدى تۇلعالار بۇزادى. وسىعان كوڭىل اۋدارۋ كەرەك», دەدى پرەزيدەنت كومەكشىسى.
اسەت يسەكەشەۆ انتيكوردىڭ جەكە قۇرىمى جەمقورلىقتان تازا بولۋى كەرەك ەكەنىن ايتتى. ونىڭ پىكىرىنشە, جاقىندا اتىراۋ وبلىسىندا جەدەل قىزمەتكەرىنىڭ اسا ءىرى كولەمدە پارامەن ۇستالۋى وسىعان دالەل بولا الادى.
«وسى باعىتتاعى جۇمىستى كۇشەيتۋ كەرەك. مۇنداي دەرەكتەر قوعامدا نەگاتيۆ پىكىردى كوبەيتەدى. سوندىقتان جەكە قۇراممەن جۇمىستى كۇشەيتۋ كەرەك», دەدى ول.