باعدارلاماشىلارعا زاماناۋي تەحنولوگيالار شەكارانى سىزىپ, تۇرعىلىقتى مەكەنىنە قاراماستان, الەمنىڭ تۇكپىر-تۇكپىرىنەن جۇمىس تابۋ مۇمكىندىگىن بەردى, دەيدى «Akhter Studio» كومپانياسىنىڭ ديرەكتورى جانە قۇرىلتايشىسى ادمەت اكحتەر.
اقپاراتتىق تەحنولوگيالار سالاسىندا ءوزىنىڭ كومپانياسىن اشىپ, ەكسپورتتىق نارىقتا العا جىلجىپ كەلە جاتقان قازاقستاندىق جاستاردىڭ جارقىن وكىلدەرىنىڭ ءبىرى – «Akhter Studio» كومپانياسىنىڭ ديرەكتورى جانە قۇرىلتايشىسى ادمەت اكحتەر.
«Akhter Studio» – الماتى قالاسىندا نەگىزدەلگەن باعدارلامالىق جاساقتاما ءوندىرۋشىسى, جۇمىسىنىڭ العاشقى ايلارىنان باستاپ شەتەلدىك كليەنتتەردى تارتا باستادى جانە نەبارى التى ايدىڭ ىشىندە شتاتتاعى ادام سانى 3-تەن 30-گا دەيىن ءوستى. قازىرگى ۋاقىتتا كوماندا قۇرامىندا الماتى, نۇر-سۇلتان, بىشكەك جانە ماسكەۋ تۇرعىندارى بار, ال ستۋديا Astana Hub رەزيدەنتى بولىپ تابىلادى.
ادمەتتىڭ تسيفرلىق جانە اقپاراتتىق تەحنولوگيالار سالاسىندا 8 جىلدان استام تاجىريبەسى بار. ۇزاق ۋاقىت بويى ول وزگە كومپانيالاردا جالدامالى جۇمىسشى بولىپ كەلگەن. ول شەتەلدىك كليەنتتەرمەن جۇمىس جاساۋدىڭ بارلىق مۇمكىندىكتەرىن تۇسىنە باستاعان ۋاقىتتا, ءوز كاسىبىن قولعا الۋدى ۇيعاردى.
ونىڭ IT ەكسپورتىنداعى ەڭ العاشقى قادامى, ول باعدارلاماشىلارعا ارنالعان ەڭ ءىرى مەكتەپتەردىڭ ءبىرى - SkillFactory-مەن كەلىسىمشارتقا وتىرىپ, product-مەنەدجمەنتتى ونلاين وقىتقان ۋاقىتتان باستالدى.
سونان كەيىن, ادمەت اقش پەن كاناداداعى ەڭ ءىرى SMS ماركەتينگتىك ونىمدەرىنىڭ ءبىرى بولىپ تابىلاتىن امەريكاندىق Simple Texting كومپانياسىنا «Technical product» مەنەدجەرى بولىپ جۇمىسقا ورنالاستى.
قازاقستاندىق جىگىتتىڭ امەريكاندىق كومپانيادا جۇمىس ىستەۋ بارىسىندا كوپتەگەن كليەنتتەر مەن كومپانيالاردان تۇراتىن تانىستىق جۇيەسى ۇلعايا ءتۇستى. وسى ورايدا, وعان ءوزىنىڭ جەكە IT ستۋدياسىن ۇيىمداستىرۋ يدەياسى كەلدى.
ادمەت ءوزىنىڭ اۋتسورسينگتەگى تاڭداۋى IT سالاسىنا تۇسكەنىنىڭ باستى سەبەبىن, بۇل سالانىڭ كادرلارعا دەگەن جوعارى سۇرانىسىمەن جانە قازاقستاندىق مامانداردىڭ باسەكەگە قابىلەتتىلىگىمەن ءتۇسىندىردى.
ء«بىزدىڭ ماماندار قىزمەتىنىڭ قۇنى, ۋكراينا جانە بەلارۋس ەلدەرىمەن سالىستىرعاندا الدەقايدا تومەن, ويتكەنى بۇل ەلدەر وزدەرىنىڭ قىزمەتتەرىن ۇزاق ۋاقىت ەكسپورتتاپ كەلەدى جانە شەتەلدىك كومپانيالار اراسىندا جاقسى يميدج قالىپتاستىرعان. قازىر ولاردىڭ باعاسى باتىستىق باعالارعا جاقىن», دەيدى ول.
ونىڭ ويىنشا باعدارلاماشىلارعا زاماناۋي تەحنولوگيالار شەكارانى سىزىپ تاستاپ, تۇرعىلىقتى مەكەنىنە قاراماستان, الەمنىڭ تۇكپىر-تۇكپىرىنەن جۇمىس تابۋ مۇمكىندىگىن بەردى. باعدارلاماشى ۇلتقا, ەلگە بولىنبەيدى, ەڭ ماعىزدىسى كاسىبي شەبەرلىك پەن كوممۋنيكاتسيا قابىلەتى.
قازىرگى تاڭدا ولاردىڭ توبى product owner, ديزاينەرلەر, باعدارلاماشىلار, QA, DevOps-تان تۇرادى, بۇل ولارعا جوبالاردى تولىقتاي جۇزەگە اسىرۋىنا مۇمكىندىك بەرەدى.
ادمەت شەتەلدىك كومپانيالاردىڭ قازاقستاندىق جىگىتتەرگە دەگەن كوزقاراسى وزگەرىپ كەلەدى دەيدى. شەتەلدىكتەر جەرلەستەرىمىز تۋرالى كوبىرەك مالىمەت بىلۋگە نيەت بىلدىرۋدە, سەبەبى ءبىزدىڭ قازاق جىگىتتەرىنىڭ اعىلشىن ءتىلىن جەتىك ءبىلۋى ولار ءۇشىن جاڭالىق بولدى دەيدى ول.
«قازاقستاندىق باعدارلاماشىلار شەتەلدىك كومپانيالار ءۇشىن ۇلكەن جاڭالىق بولدى. شەتەلدىك سەرىكتەستەر جەرلەستەرىمىزدى ءالى ەشكىم اشپاعان التىن كەن ورنىنا باعالاپ, بىزبەن العاشقى سەرىكتەس بولعىلارى كەلەتىنىن جاسىرمادى», دەيدى ادمەت.
ادمەتتىڭ ويىنشا, شەتەلدىكتەردى كازاقستانداعى IT ساپاسىنىڭ جوعارى ەكەندىگىنە سەندىرۋ ءۇشىن, ەلىمىزدەگى IT پرەكتتەردى بۇكىل الەمگە تانىتىپ, وسى باعىتتا ەلدەر اراسىندا ءوزىمىزدىڭ دۇرىس ءيمميدجىمىزدى قالىپتاستىرۋىمىز كەرەك.
ء«بىزدىڭ ماماندار بۇل سالادا قارقىندى دامىپ جاتىر, بىزدە ءساتتى جوبالارىمىز وتە كوپ جانە ءبىز ەشكىمنەن كەم تۇسپەيمىز», دەدى ول.