استانا قالاسىندا الاياقتىقتىڭ جاڭا ءتاسىلى پايدا بولدى. بەلگىسىز ادامدار «سىيلىق قورابىن» ۇسىنۋ ارقىلى ازاماتتاردى قورقىتىپ, اقشا بوپسالاۋعا تىرىسادى, دەپ حابارلايدى Egemen.kz.
بۇل تۋرالى قالا تۇرعىنى الەۋمەتتىك جەلىدە جازدى. ونىڭ ايتۋىنشا, ول قۇربىسىمەن سەرۋەندەپ جۇرگەندە شامامەن 20 جاستاعى جىگىت قىزىل قوراپ ۇسىنعان. الايدا ول بۇعان دەيىن الەۋمەتتىك جەلىدەن وسىنداي جاعداي تۋرالى وقىعاندىقتان, بىردەن باس تارتقان.
ونىڭ سوزىنشە, باسقا ءبىر وقيعادا قىز قوراپتى قولىنا العان سوڭ, الگى جىگىت ونى قورقىتىپ, قوراپ ىشىندە ەسىرتكى بار ەكەنىن, ونىڭ ساۋساق ىزدەرى قالعانىن ايتقان. وسىلايشا, الاياقتار جابىرلەنۋشىنى قورقىتىپ, اقشا تالاپ ەتۋى مۇمكىن.
ەلوردادا 17 ادامدى «قاجىلىققا جىبەرەمىن» دەپ الداعان الاياق جازالاندى
اۆتور ۇسىنىستان باس تارتقاننان كەيىن, كۇدىكتى باسقا ايەلگە جاقىنداعان. تۇرعىن ونى توقتاتۋعا تىرىسقانىمەن, جىگىت جاعدايدى بايقاپ, تەز كەتىپ قالعان.
پىكىرلەردە قالا تۇرعىندارى وسىنداي جاعدايلارمەن بۇرىن دا كەزدەسكەنىن جازىپ جاتىر. ماسەلەن, كەرۋەن ساۋدا ورتالىعى ماڭىندا دا ءجاسوسپىرىم «سىيلىق» ۇسىنىپ, باس تارتقاننان كەيىن بىردەن كەتىپ قالعانى ايتىلعان.
سونىمەن قاتار كەيبىر تۇرعىندار Magnum دۇكەندەرى ماڭىندا كۇماندى ادامدار ءجيى كەزدەسەتىنىن العا تارتادى.
پوليتسيا وكىلدەرى بۇل فاكتى بويىنشا ازىرگە رەسمي شاعىم تۇسپەگەنىن حابارلادى. سونىمەن بىرگە جالعان اقپارات تاراتۋ قىلمىستىق جاۋاپكەرشىلىككە اكەلەتىنىن ەسكە سالدى.
سەكۋند ىشىندە بۇعاتتايدى: قازاقستاندا الاياقتاردىڭ قوڭىراۋىن توقتاتاتىن جۇيە ەنگىزىلەدى
قۇقىق قورعاۋ ورگاندارى ازاماتتاردى ساق بولۋعا شاقىرادى. ەسىرتكى اينالىمىنا قاتىستى قۇقىقبۇزۋشىلىقتاردى بايقاساڭىز, 102 نومىرىنە نەمەسە سەنىم تەلەفونىنا حابارلاسۋ قاجەت.