استانا قالاسىندا مەملەكەت باسشىسى قاسىم-جومارت توقاەۆتىڭ باستاماسىمەن جۇزەگە اسىرىلىپ جاتقان «تازا قازاقستان» تۇجىرىمداماسى اياسىندا ء«مولدىر بۇلاق» ەكولوگيالىق اكتسياسى ءوتتى. ءىس-شارانىڭ باستى ماقساتى – بۇلاق كوزدەرىن اشۋ, ولاردى تازارتۋ جانە قوعامدا ەكولوگيالىق مادەنيەتتى قالىپتاستىرۋ, دەپ حابارلايدى Egemen.kz.
اتالعان اكتسياعا «استانا تازالىق» مەكەمەسىنىڭ قىزمەتكەرلەرى مەن ەرىكتىلەر قاتىستى. ءار تاراپتان 50 ادامنان قاتىسىپ, جالپى سانى 100 ادام تابيعاتتى قورعاۋ جۇمىستارىنا اتسالىستى.
شارا بارىسىندا قاتىسۋشىلار 3 شاقىرىم اۋماقتى تازالاپ, بۇلاق ماڭىن قوقىستان ارىلتتى. تازالىق جۇمىستارى كەزىندە سۋدان 57 دانا شىنى بانكا, 1 ۆەلوسيپەد دوڭگەلەگى, 5 500-دەن استام تەمەكى قالدىعى, سونداي-اق ءتۇرلى تۇرمىستىق قالدىقتار (پلاستيك بوتەلكەلەر, پاكەتتەر, قاعاز قالدىقتارى جانە باسقا دا قوقىستار) شىعارىلدى.
«تازا قازاقستان»: ءبىر كۇندە ەلىمىزدە 46 مىڭ گەكتاردان استام اۋماق تازارتىلدى
بۇل باستاما قورشاعان ورتانى قورعاۋعا باعىتتالعان ناقتى ءىس-قيمىلداردىڭ ءبىرى بولدى.
ايتا كەتۋ كەرەك, ەلىمىزدە ەرىكتىلەر قوزعالىسى قارقىندى دامىپ كەلەدى. سوڭعى جىلدارى ەرىكتىلەر سانى ايتارلىقتاي ارتىپ, بۇگىندە ءجۇز مىڭداعان ازامات ءتۇرلى الەۋمەتتىك جانە ەكولوگيالىق جوبالارعا بەلسەندى قاتىسىپ جاتىر.
ء«مولدىر بۇلاق» اكتسياسى – تەك تازالىق جۇمىسى عانا ەمەس, بۇل – قوعامداعى جاۋاپكەرشىلىك پەن بىرلىكتىڭ ايقىن كورىنىسى. مۇنداي شارالار ارقىلى تۇرعىندار تابيعاتتى ايالاۋدىڭ ماڭىزىن تەرەڭ ءتۇسىنىپ, ورتاق ىسكە ءوز ۇلەستەرىن قوسىپ كەلەدى.
توقاەۆ «تازا قازاقستان» اكتسياسىنا بەلسەندى قاتىسقان ازاماتتاردى ماراپاتتادى