مەملەكەت باسشىسى رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ رەسەيدىڭ سىرتقى ساياسات ۆەدومستۆوسىنىڭ باسشىسىنا ءىلتيپات ءبىلدىرىپ, قازاقستان مەن رەسەي اراسىنداعى قارىم-قاتىناس ستراتەگيالىق سەرىكتەستىك جانە وداقتاستىق رۋحىندا دامىپ كەلە جاتقانىن اتاپ ءوتتى.
پرەزيدەنت بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى ناقتى جۇزەگە اسىرۋدىڭ, سونداي-اق ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق بايلانىستاردى ودان ءارى نىعايتۋدىڭ ماڭىزدى ەكەنىن ايتتى.
3,7 ميلليارد دوللارلىق كەلىسىم: توقاەۆ جاپونيا پارلامەنتىنىڭ وكىلىن قابىلدادى
كەزدەسۋدە رەسەي پرەزيدەنتى ۆلاديمير ءپۋتيننىڭ مامىر ايىنىڭ سوڭىندا قازاقستانعا جاسايتىن ساپارىنا دايىندىق ماسەلەسىنە ەرەكشە نازار اۋدارىلدى.
مەملەكەت باسشىسى استانا اتالعان ۋاقيعاعا ايرىقشا ءمان بەرىپ وتىرعانىن جەتكىزدى.
«بۇل ساپاردى بيىلعى ەكىجاقتى كۇن ءتارتىبىنىڭ ەڭ نەگىزگى ءىس-شاراسى رەتىندە قاراستىرامىز. ەكى ەلدىڭ وداقتاستىق قاتىناستارىن ىلگەرىلەتۋدە اتالعان ساپار ماڭىزدى ءرول اتقارادى دەپ سەنەمىز», دەدى قاسىم-جومارت توقاەۆ.سەرگەي لاۆروۆ مەملەكەت باسشىسىنا رەسەي پرەزيدەنتىنىڭ ساپارىنا ازىرلىك بارىسى تۋرالى اقپارات بەردى.
توقاەۆ قازاق تازىسىن تانۋعا سەپتىگىن تيگىزگەن تاماش ياككەلگە العىس ايتتى
سونىمەن قاتار قازاقستان مەن رەسەي اراسىنداعى كوپجوسپارلى ىنتىماقتاستىقتىڭ باستى ماسەلەلەرى ۇكىمەتتەر مەن سىرتقى ىستەر مينيسترلىكتەرى دەڭگەيىندە پىسىقتالىپ جاتقانىنا توقتالدى.
كاسپيگە قاۋىپ ءتوندى مە؟ لاۆروۆ اقش پەن ءيزرايلدىڭ سوققىسىنا قاتىستى مالىمدەمە جاسادى
قاسىم-جومارت توقاەۆ پەن سەرگەي لاۆروۆ حالىقارالىق جانە ايماقتىق كۇن تارتىبىندەگى وزەكتى ماسەلەلەر جونىندە پىكىر الماستى.