نەمىس دەپۋتاتتارى وزدەرىنىڭ جالاقىسىن كوتەرۋدەن باس تارتتى

ۆەدومستۆونىڭ حابارلاۋىنشا, بۇل تۋرالى زاڭ جوباسى 11 ماۋسىمعا جوسپارلانعان پارلامەنت وتىرىسىنىڭ كۇن تارتىبىنە ەنگىزىلگەن. شەشىم قابىلداۋعا بيلىكتەگى حدس/حسس جانە سدپ فراكتسيالارى باستاماشى بولدى. ولار سايلاۋشىلارعا قازىرگى كۇردەلى قارجىلىق-ەكونوميكالىق جاعدايدا شىعىنداردى قىسقارتۋعا دايىن ەكەندىكتەرىن كورسەتكىسى كەلەدى.

ءۇش جىلداعى وزگەرىس: ورمان ءورت سوندىرۋشىلەرىنىڭ جالاقىسى ەكى ەسە ءوستى

بيلەۋشى ​​فراكتسيالار بيۋدجەت قىسىمى كەزىندە پارلامەنت دەپۋتاتتارى شىعىنداردى ازايتۋعا ء«وز ۇلەستەرىن قوسۋى» كەرەك ەكەنىن اتاپ كورسەتەدى. وپپوزيتسيالىق پارتيالار – «جاسىلدار», «گەرمانيا ءۇشىن بالاما» جانە «سولشىلدار» دا وسىمگە قارسى. وسىلايشا بۇل ماسەلە كەڭ ساياسي قولداۋعا يە بولدى.

جالاقىم جوعارى, قولعا تيگەندە نەگە از؟

بۇرىن پارلامەنتتىڭ بارلىق 630 دەپۋتاتىنىڭ جالاقىسى ايىنا 500 ەۋروعا ارتىپ, 12 330 ەۋروعا جەتەدى دەپ بولجانعان. بۇل ءوسىم گەرمانياداعى جالاقىنىڭ وسۋىنە نەگىزدەلگەن اۆتوماتتى تۇردە ەسەپتەلەدى. YouGov ساۋالناماسىنا سايكەس, نەمىستەردىڭ 85%-ى دا پارلامەنتتىك جالاقىنى كوتەرۋگە قارسى.

بۇدان ءبۇرىن ماجىلىس دەپۋتاتى باقىتجان بازاربەك اي سايىن الاتىن 900 مىڭ تەڭگە كولەمىندەگى جالاقىسى وتباسىلىق شىعىندى تولىق وتەۋگە جەتپەيتىنىن ايتتى.