«قازگيدرومەت» ماماندارى جاۋىن-شاشىن مولشەرىن جاساندى تۇردە ارتتىرۋ تەحنولوگياسىنىڭ قالاي جۇمىس ىستەيتىنىن جانە ونىڭ قانداي ماقساتتا قولدانىلاتىنىن ءتۇسىندىردى, دەپ حابارلايدى Egemen.kz.
بۇل تەحنولوگيانى تۇركىستان وبلىسىندا پايدالانۋ تۋرالى العاش رەت 15 ماۋسىمدا حابارلانعان بولاتىن. جوباعا دايىندىق بارىسىندا 2020-2024 جىلدار ارالىعىنداعى 39 مەتەوستانتسيانىڭ دەرەكتەرى جان-جاقتى زەرتتەلدى. اتموسفەرالىق پروتسەستەر مەن ءوڭىردىڭ جەر بەدەرىنە جۇرگىزىلگەن تالداۋ ناتيجەسىندە تۇركىستان وبلىسى پيلوتتىق اۋماق رەتىندە تاڭدالعان.
مامانداردىڭ ايتۋىنشا, تەحنولوگيا تەك تابيعي جولمەن قالىپتاسقان تىك باعىتتا داميتىن جاڭبىرلى بۋداق بۇلتتار بولعان جاعدايدا عانا قولدانىلادى. ونىڭ اسەرى بەلگىلى ءبىر اۋماقپەن جانە قىسقا مەرزىممەن شەكتەلەدى. سوندىقتان بۇل ءادىس كليماتتىق وزگەرىستەرگە ىقپال ەتپەيدى ءارى اۋا ماسسالارىنىڭ قوزعالىسىن وزگەرتپەيدى.
جاڭبىر, نايزاعاي, اپتاپ ىستىق: 10 ماۋسىم كۇنگى اۋا رايى بولجامى
جوبا اياسىندا «قازگيدرومەت» عىلىمي-مەتەورولوگيالىق سۇيەمەلدەۋدى قامتاماسىز ەتەدى. اتاپ ايتقاندا, ماماندار تاۋلىك بويى اتموسفەرانى باقىلاپ, سپۋتنيكتىك سۋرەتتەر مەن سينوپتيكالىق مالىمەتتەردى تالدايدى, بۇلت جۇيەلەرىنىڭ قوزعالىسىن قاداعالايدى جانە تۇسكەن جاۋىن-شاشىن كولەمىن باعالايدى.
جينالعان دەرەكتەر تەحنولوگيانىڭ تيىمدىلىگىن عىلىمي تۇرعىدان باعالاۋعا, سونداي-اق ونىڭ وڭىردەگى سۋ قورىن تولىقتىرۋ مەن اۋىل شارۋاشىلىعى القاپتارىن قولداۋداعى مۇمكىندىكتەرىن انىقتاۋعا مۇمكىندىك بەرەدى.
اتىراۋدا ءۇش كۇن بويى تولاسسىز جاۋعان جاڭبىر سالدارىنان كوشەلەردى سۋ باستى
پيلوتتىق جوبا تۇركىستان وبلىسىنىڭ اكىمدىگى, بىرىككەن اراب امىرلىكتەرىنىڭ ۇلتتىق مەتەورولوگيالىق ورتالىعى, يندۋستريا جانە ينفراقۇرىلىمدىق دامۋ مينيسترلىگى, «قازگيدرومەت» جانە «قازاەروناۆيگاتسيا» مەكەمەلەرىنىڭ بىرلەسكەن قاتىسۋىمەن ىسكە اسىرىلىپ جاتىر.