اتىراۋداعى شاعىن اۋدانداردىڭ بىرىندە مەرزىمى وتكەن نان ونىمدەرىنىڭ دالاعا تاستالۋى تۇرعىنداردىڭ نارازىلىعىن تۋعىزعان. تۇرعىنداردىڭ ايتۋىنشا, شاشىلىپ جاتقان نان ونىمدەرى كەسىرىنەن كەمىرگىشتەر قاپتاپ, سانيتارلىق احۋال ناشارلاعان, دەپ حابارلايدى Egemen.kz.
الەۋمەتتىك جەلىدە دابىل قاققان قالا تۇرعىندارى بۇل جاعدايعا سانيتارلىق مامانداردىڭ نازار اۋدارىپ, شۇعىل شارا قولدانۋىن تالاپ ەتىپ وتىر. ال جاۋاپتى ورگاندار تەكسەرىس تەك تۇرعىندار تاراپىنان رەسمي شاعىم تۇسكەن جاعدايدا عانا جۇرگىزىلەتىنىن مالىمدەدى.
ناندى ەڭ كوپ جەيتىن وبلىس انىقتالدى
ناۋبايحانا يەسىنىڭ ايتۋىنشا, بۇل – اۋدانداردان قايتقان نان. ايدىڭ باسىندا بارلىق جۇرگىزۋشى ساعىز, ماقات, دوسسور سەكىلدى اۋىلداردان وسىلاي جيناپ اكەلەدى. ونى اۋىلدان كەلەتىن ۇلكەن كىسىلەر مالعا پايدالانۋ ءۇشىن سول كۇنى-اق تەگىن الىپ كەتەدى.
ء«بىز ونى جەرگە شاشپايمىز, ويتكەنى شاشىلعان ناندى قايتا جيناۋ وزىمىزگە دە ءتيىمسىز, ارتىق جۇمىس. بىزدە نان ەشقاشان قالمايدى, بۇل ايىنا ءبىر رەت قانا بولاتىن جاعداي», دەيدى ناۋبايحانا باسشىسى.
نان – بەرەكەنىڭ كورسەتكىشى