دەنساۋلىق ساقتاۋ مينيسترلىگى «تاۋارلاردى تاڭبالاۋ جانە قاداعالاۋ» اقپاراتتىق جۇيەسىنىڭ دەرەكتەرى بويىنشا شەكتى باعالاردى رەتتەۋ تەتىگى كۇشىنە ەنگەنگە دەيىنگى كەزەڭ مەن 2026 جىلعى مامىرداعى جاعداي بويىنشا ەلىمىزدىڭ 20 وڭىرىندەگى ءدارىحانالاردا ساتىلاتىن 2635 دارىلىك پرەپاراتتىڭ اتاۋىنا سالىستىرمالى باعا تالداۋىن جۇرگىزگەن, دەپ حابارلايدى Egemen.kz.
مونيتورينگتىڭ قورىتىندىسى بويىنشا 1309 پرەپاراتتىڭ (49,5%) باعاسى وزگەرىسسىز قالعانى, ال 669 دارىلىك زاتتىڭ (20,4%) باعاسى تومەندەگەنى انىقتالعان.
جالپى العاندا, بولشەك ساۋدا جەلىسىندە ساتىلاتىن 4994 دارىلىك پرەپارات شەكتى باعالاردى رەتتەۋ تەتىگىمەن قامتىلعان. رەتتەلەتىن سەگمەنتتە پرەپاراتتاردىڭ جارتىسىنان استامىنىڭ باعاسى تۇراقتى دەڭگەيدە ساقتالىپ وتىر.
وتاندىق ءدارى-دارمەك ۇلەسى شامامەن 40 پايىزعا جەتتى
«دارىلىك زاتتارعا بەلگىلەنگەن شەكتى بولشەك ساۋدا باعالارىنىڭ اسىپ كەتۋ فاكتىلەرى انىقتالعان جاعدايدا, ءسىز DariKZ ءموبيلدى قوسىمشاسى ارقىلى راستايتىن ماتەريالداردى (تاۋارلىق چەك پەن دارىلىك زاتتىڭ قاپتاماسى) قوسا تىركەپ, دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق باقىلاۋ كوميتەتىنىڭ اۋماقتىق دەپارتامەنتتەرىنە ءوتىنىش جىبەرە الاسىز», دەلىنگەن حابارلامادا.
سونداي-اق, DariKZ موبيلدىك قوسىمشاسى ارقىلى دارىلىك زاتتاردى قولدانعاننان كەيىن تۋىنداعان جاعىمسىز اسەرلەر تۋرالى اقپاراتتى دا جىبەرۋگە بولادى.
2027 جىلدان باستاپ ەل تۇرعىندارى وزدەرىنە قاجەتتى ءدارى-دارمەكتى تەگىن الادى
سونىمەن قاتار, تمككك جانە ءمامس شەڭبەرىندە قولدانىلاتىن 3000-نان استام پرەپارات, ونىڭ ىشىندە الەۋمەتتىك ءمانى بار اۋرۋلاردى ەمدەۋگە ارنالعان دارىلىك زاتتار قوسىلعان قۇن سالىعىنان بوساتىلعان.
بۇعان دەيىن ءدارى-دارمەككە بايلانىستى زاڭعا ماڭىزدى تۇزەتۋلەر ەنگىزىلگەنى تۋرالى جازعان ەدىك.