قازاقستاندا جانارماي باعاسى 3-4 تەڭگەگە ءوستى. بۇل تۋرالى ەنەرگەتيكا ءمينيسترى ەرلان اقكەنجەنوۆ مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, باعا ىشكى نارىقتاعى سۇرانىس پەن ۇسىنىسقا بايلانىستى قالىپتاسىپ وتىر.
«مەنىڭ مالىمەتىم بويىنشا باعا 3-4 تەڭگەگە ءوستى. سوندىقتان باعا 10 تەڭگەگە ءوستى دەگەن پىكىر دۇرىس ەمەس دەپ ويلايمىن. بۇل – نارىقتىق جاعداي. قانداي دا ءبىر كارتەلدىك كەلىسىم جوق. باعانى ىشكى سۇرانىس پەن ۇسىنىس انىقتايدى. مۇناي باعاسى دا قازىر قاتتى ءوسىپ جاتقان جوق, شامامەن 93,5 دوللار دەڭگەيىندە تۇراقتاپ تۇر», دەدى مينيستر.
سونىمەن قاتار ول ەنەرگەتيكا مينيسترلىگى جاعدايدى باقىلاۋدا ۇستاپ وتىرعانىن جانە باعانىڭ كۇرت وسۋىنە جول بەرمەۋ ءۇشىن قاجەتتى شارالار قابىلداناتىنىن ايتتى.
ەلدەن 12 توننا جانارمايدى زاڭسىز شىعارماق بولعاندار ۇستالدى
ەسكە سالا كەتەيىك, بۇعان دەيىن Energy Monitor قورىنىڭ ديرەكتورى نۇرلان جۇماعۇلوۆ جاھاندىق ساياسي احۋال ەلدەگى جانارماي باعاسىنا ايتارلىقتاي اسەر ەتپەيتىندىگىن ايتقان بولاتىن. ونىڭ سوزىنشە, مەملەكەت الەۋمەتتىك تۇراقتىلىقتى ساقتاۋ ماقساتىندا باعانى رەتتەپ وتىر.