مۇگەدەكتەردىڭ قۇقىقتارى تۋرالى كونۆەنتسياعا (CRPD) قاتىسۋشى مەملەكەتتەر كونفەرەنتسياسىنىڭ 19-سەسسياسى اياسىندا بۇۇ مۇگەدەكتەر قۇقىقتارى جونىندەگى كوميتەتىنىڭ 9 جاڭا مۇشەسىن سايلاۋ ءراسىمى ءوتتى, دەپ حابارلايدى Egemen.kz.
داۋىس بەرۋ قورىتىندىسى بويىنشا قازاقستان رەسپۋبليكاسىنىڭ ۇمىتكەرى ءلاززات قالتاەۆا 157 مەملەكەتتىڭ قولداۋىمەن ەڭ ۇزدىك كورسەتكىشكە يە بولىپ, 2027-2030 جىلدارعا ارنالعان مەرزىمگە كوميتەت مۇشەسى بولىپ سايلاندى.
مۇگەدەكتەردىڭ قۇقىقتارى تۋرالى كونۆەنتسياعا (CRPD) قاتىسۋشى مەملەكەتتەر كونفەرەنتسياسىنىڭ 19-سەسسياسى اياسىندا وتكەن سايلاۋدا ول 157 مەملەكەتتىڭ قولداۋىنا يە بولىپ, بارلىق كانديداتتاردىڭ ىشىندە ەڭ جوعارى ناتيجە كورسەتتى.
قازاقستان وكىلىمەن بىرگە كوميتەت قۇرامىنا ارمەنيا, بەنين, يوردانيا, قىتاي, ليتۆا, پالاۋ, ساموا جانە ەفيوپيا مەملەكەتتەرىنىڭ كانديداتتارى دا سايلاندى.
بۇۇ-نىڭ قاراجاتى تامىز ايىنىڭ ورتاسىنا قاراي تاۋسىلۋى مۇمكىن
مۇگەدەكتىگى بار ادامداردىڭ قۇقىقتارىن قورعاۋمەن 20 جىلدان استام ۋاقىت اينالىسىپ كەلەدى
ءلاززات قالتاەۆا − ينكليۋزيانى دامىتۋ جانە مۇگەدەكتىگى بار ادامداردىڭ قۇقىقتارىن قورعاۋ سالاسىنداعى قازاقستانداعى ەڭ تانىمال قوعام قايراتكەرلەرىنىڭ ءبىرى.
2024 جىلعى قازاننان باستاپ ول قازاقستان رەسپۋبليكاسى پارلامەنتى سەناتى توراعاسىنىڭ كەڭەسشىسى جانە سەنات جانىنداعى ينكليۋزيا جونىندەگى كەڭەستىڭ ءتورايىمى قىزمەتىن اتقارادى. بۇعان دەيىن قازاقستان پارلامەنتى سەناتىنىڭ دەپۋتاتى ءارى الەۋمەتتىك-مادەني دامۋ جانە عىلىم كوميتەتىنىڭ مۇشەسى بولعان.
ل. قالتاەۆا جيىرما جىلدان استام ۋاقىت بويى مۇگەدەكتىگى بار ايەلدەردىڭ «شىراق» قاۋىمداستىعى قوعامدىق بىرلەستىگىن باسقارعان. سونىمەن قاتار, ول الماتى قالاسىنىڭ مۇگەدەكتەر ۇيىمدارى قاۋىمداستىعىنىڭ ءتورايىمى.
سونداي-اق ول قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا قۇرامىنا كىرەدى.
توقاەۆ پەن ەردوعان بۇۇ ءرولىن كۇشەيتۋ تۋرالى ورتاق بايلامعا كەلدى
كوميتەتتىڭ مىندەتى
بۇۇ-نىڭ مۇگەدەكتەر قۇقىقتارى جونىندەگى كوميتەتى − مەملەكەتتەردىڭ مۇگەدەكتەردىڭ قۇقىقتارى تۋرالى كونۆەنتسيا تالاپتارىن ورىنداۋىن باقىلايتىن تاۋەلسىز ساراپشىلىق ورگان. كوميتەت حالىقارالىق دەڭگەيدە مۇگەدەكتىگى بار ادامداردىڭ قۇقىقتارىن ىلگەرىلەتۋگە جانە قورعاۋعا ىقپال ەتەدى.
ايتا كەتەيىك, قىرعىزستان العاش رەت بۇۇ قاۋىپسىزدىك كەڭەسىنىڭ تۇراقتى ەمەس مۇشەسى اتاندى.