2025 جىلى اگرارلىق سەكتوردى قارجىلاندىرۋ 172 ملرد تەڭگەگە ۇلعايىپ, 1,1 ترلن تەڭگەنى قۇرادى. بۇل قاراجات ەگىس ناۋقانىن قولداۋعا, ءداندى جانە مايلى داقىلداردىڭ جوعارى ونىمدىلىگىن قامتاماسىز ەتۋگە, سونداي-اق سۋ ينفراقۇرىلىمىن دامىتۋدى جالعاستىرۋعا مۇمكىندىك بەردى. مۇنداي دەرەكتەردى ءماجىلىستىڭ جالپى وتىرىسىندا قارجى ءمينيسترى ءمادي تاكيەۆ كەلتىردى, دەپ جازادى Egemen.kz.
سونداي-اق 4,9 ملن توننا مايلى داقىلدار, 3,6 ملن توننا ارپا, 1 ملن توننا جۇگەرى, 525,9 مىڭ توننا كۇرىش, 1 ملن تونناعا جۋىق بۇرشاق داقىلدارى جانە 76,7 مىڭ توننادان استام قاراقۇمىق جينالدى.
«كۇنباعىس ەگىس القابى 1,5 ەسەگە – 1,2 ملن گەكتاردان 1,7 ملن گەكتارعا دەيىن ءوستى, بۇل كۇنباعىس مايىن ءوندىرۋدى 17,5%-عا, ياعني 752,1 مىڭ تونناعا دەيىن ۇلعايتۋعا جانە ەكسپورتتىق الەۋەتتى كەڭەيتۋگە مۇمكىندىك بەردى. كۇنباعىس مايىنىڭ ەكسپورتى 24%-عا, ياعني 219,3 مىڭ تونناعا دەيىن ءوستى», دەپ اتاپ ءوتتى قارجى ءمينيسترى. ەگىن شارۋاشىلىعىن دامىتۋداعى باسىم مىندەتتەر ناقتىلاندىونىڭ ايتۋىنشا, سۋ ينفراقۇرىلىمىن دامىتۋعا ەرەكشە كوڭىل ءبولىنىپ جاتىر. 2025 جىلى 1840 شاقىرىم سۋارۋ كانالدارى تازارتىلىپ, 680 شاقىرىم سۋارۋ جەلىسى قايتا جاڭارتىلعان جانە 375 گيدروتەحنيكالىق نىسان جوندەلگەن.
«ۇكىمەت ءۇشىن بيۋدجەتتىڭ ورىندالۋى تەك يگەرۋ پايىزى بويىنشا عانا باعالانباۋى وتە ماڭىزدى. باستى كريتەري – ازاماتتار مەن بيزنەس جانە وڭىرلەر ءۇشىن ناقتى ناتيجەگە قول جەتكىزۋ», دەپ اتاپ ءوتتى ءمادي تاكيەۆ. ەلىمىزدە 103 سۋارۋ كانالى اۆتوماتتاندىرىلادى