ۇلتتىق قاۋىپسىزدىك كوميتەتى كەدەن ورگاندارىمەن جانە ورتالىق ازيا وڭىرلىك اقپاراتتىق ۇيلەستىرۋ ورتالىعىمەن بىرلەسىپ, الماتى قالاسىنىڭ اۋەجايىندا ەسىرتكىنى الىپ ءوتۋ ارەكەتىن توقتاتتى, دەپ حابارلايدى Egemen.kz.
وڭتۇستىك-شىعىس ازيادان كەلگەن شەتەل ازاماتىنىڭ باگاجىن تەكسەرۋ بارىسىندا شامامەن 21 كەلى ماريحۋانا تابىلعان. تىيىم سالىنعان جۇك تاركىلەنىپ, كۇدىكتى ۇستالدى.
پوليتسيا ورگاندارى بۇل فاكتى بويىنشا قىلمىستىق كودەكستىڭ 286-بابىنىڭ 1-بولىگى بويىنشا سوتقا دەيىنگى تەرگەۋدى باستادى.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
ايتا كەتەيىك, ىشكى ىستەر مينيسترلىگى ۋكراينا ۇلتتىق پوليتسياسىمەن جانە ەكى ەلدىڭ باس پروكۋراتۋرالارىمەن بىرلەسىپ, حالىقارالىق قىلمىستىق توپتاردىڭ call-ورتالىقتارىن جويۋ بويىنشا ارنايى وپەراتسيا وتكىزدى.