2023 جىلى اباي وبلىسىندا بولعان ءىرى ورمان ورتىنەن كەيىن ورمان شارۋاشىلىعىنىڭ ماماندارى ءورتتى ءسوندىرۋ جۇمىستارىنىڭ نەلىكتەن قاجەتتى دەڭگەيدە جەدەل جۇرگىزىلمەگەنىن جان-جاقتى تالدادى. تالداۋ ناتيجەسىندە ورمان ورتتەرىن جەدەل سوندىرۋگە ارنالعان زاماناۋي ءارى مانەۆرلى ءورت ءسوندىرۋ ماشيناسىنىڭ ماكەتىن ازىرلەۋ تۋرالى شەشىم قابىلداندى, دەپ حابارلايدى Egemen.kz.
وسىلايشا, جاڭا تەحنيكانىڭ ءپروتوتيپى جاسالىپ, كەيىن ول اقمولا, قاراعاندى, پاۆلودار وبلىستارىندا جانە اباي وبلىسىندا سىناقتان وتكىزىلدى.
سىناق بارىسىندا ورتتەردى ءسوندىرۋ كەزىندە تۋىنداعان بارلىق ۇسىنىستار مەن ەسكەرتۋلەر جينالىپ, سونداي-اق مۇنداي تەحنيكاعا قويىلاتىن تەحنيكالىق تالاپتار ەسكەرىلدى. ناتيجەسىندە نەگىزگى تالاپتاردىڭ بارلىعىنا ساي كەلەتىن ءورت ءسوندىرۋ ماشيناسى جاسالدى.
ءۇش جىلداعى وزگەرىس: ورمان ءورت سوندىرۋشىلەرىنىڭ جالاقىسى ەكى ەسە ءوستى
ماشينانىڭ جول تالعامايتىن مۇمكىندىگى جوعارى, سۋ تسيستەرناسىنىڭ كولەمى شامامەن 3000 ءليتردى قۇرايدى, قوزعالتقىش قۋاتى شامامەن 300 ات كۇشىنە تەڭ جانە قۋاتتى سورعىمەن جابدىقتالعان. بۇل سورعى ءورتتى ءبىر ورىندا تۇرىپ تا, قوزعالىس كەزىندە دە سوندىرۋگە مۇمكىندىك بەرەدى. سونىمەن قاتار, سورعىنى جۇرگىزۋشى كابيناسىنان دا, ءورت ءسوندىرۋ بولىگىنەن دە ىسكە قوسۋعا بولادى.
سولنەچنىي كەنتىندە جاڭا ءورت ءسوندىرۋ بەكەتى اشىلدى
ارتقى كورىنىس كامەراسى بار, سونداي-اق ماشينانىڭ پەريمەترى بويىنشا توسقاۋىل جاساپ دوڭعالاقتاردى, كابينانى جانە قوزعالتقىش بولىگىن قورعايتىن وزدىگىنەن ءورت ءسوندىرۋ جۇيەسى ورناتىلعان.
بۇل تەحنيكا پوستكەڭەستىك كەڭىستىكتە بالاماسى جوق بىرەگەي جوبا جانە ورمان ورتتەرىن سوندىرۋدەگى زاماناۋي شەشىم رەتىندە باعالانادى.