يراننىڭ يسلام رەۆوليۋتسياسى ساقشىلارى كورپۋسى (يرسك) اق ءۇيدىڭ اسكەري سوققىلارىنا جاۋاپ رەتىندە باحرەيندەگى اقش-تىڭ 5-فلوتى كۇشتەرىنە دروندارمەن شابۋىل جاسادى, دەپ حابارلايدى Egemen.kz.
يران تاراپى وڭىردەگى بىرنەشە امەريكالىق اسكەري بازاعا دا سوققى جاسالعانىن حابارلاپ, ۆاشينگتون تاراپىنان ارەكەتتەر جالعاسقان جاعدايدا قاتاڭ جاۋاپ بەرىلەتىنىن ەسكەرتتى.
«قارسىلاستىڭ دۇشپاندىق ارەكەتىنە جاۋاپ رەتىندە يسلام رەۆوليۋتسياسى ساقشىلارى كورپۋسىنىڭ اسكەري-تەڭىز كۇشتەرى تۇنگى ساعات 2:30-دا باحرەيندەگى اقش-تىڭ 5-فلوتىنا قارسى دروندىق شابۋىل جاسادى», دەلىنگەن (يرسك) مالىمدەمەسىندە.
سوققى سالدارىنان بەندەر-ابباس پەن دجاسك قالالارىندا, سونداي-اق كەشم جانە سيريك ارالدارىندا جارىلىستار بولعان. ناتيجەسىندە ەكى سۋ قويماسى قيراپ, ەلدىڭ وڭتۇستىگىندەگى تەلەكوممۋنيكاتسيالىق مۇنارا زاقىمداندى.
ايتا كەتەيىك, سارسەنبىگە قاراعان ءتۇنى اقش اسكەري كۇشتەرى يران اۋماعىنا سوققى جاسادى. پەنتاگون بۇل وپەراتسيانى امەريكالىق Apache تىكۇشاعى اتىپ تۇسىرىلگەن سوڭ جۇزەگە اسىرعانىن حابارلادى.
يران ورمۇز بۇعازىن باقىلاۋدا ۇستاپ وتىرعانىن مالىمدەپ وتىر. بۇعان دەيىن يرسك رۇقساتسىز بۇعازدان وتپەك بولعان تانكەرلەرگە شابۋىل جاساعان بولاتىن.