استانادا اۆتوكولىك جارىلىسىنان كەيىن اۋىر جاراقات العان الماس ادەشوۆ اۋرۋحانادا كوز جۇمدى. بۇل تۋرالى مارقۇمنىڭ قىزى ايىم الەۋمەتتىك جەلىدە حابارلادى, دەپ جازادى Egemen.kz.
وقيعا 31 مامىر كۇنى امانجولوۆ كوشەسىندە بولعان. جارىلىس كەزىندە كولىكتە اكەسى, اناسى جانە كامەلەتكە تولماعان بالالارى وتىرعان. سالدارىنان الماس ادەشوۆ دەنەسىنىڭ 90-95 پايىزىن كۇيىك شالىپ, اسا اۋىر جاعدايدا اۋرۋحاناعا جەتكىزىلگەن ەدى.
دارىگەرلەر بىرنەشە كۇن بويى ونىڭ ءومىرىن ساقتاپ قالۋعا تىرىسقانىمەن, العان جاراقاتتارى تىم اۋىر بولىپ, ەر ادام كوز جۇمدى.
وتباسىنىڭ باسقا مۇشەلەرى زارداپ شەكپەگەن, ولاردىڭ جاعدايى قالىپتى.
«كازتسينك» زاۋىتىنداعى جارىلىس: اپاتتىڭ الدىن الا سەبەبى بەلگىلى بولدى
مارقۇمدى جەرلەۋ ءراسىمى 10 ماۋسىم كۇنى وتەدى.