الماتىدا 2027 جىلدان باستاپ اتموسفەرالىق اۋانى قورعاۋ قاعيدالارى قولدانىسقا ەنگىزىلەدى. بۇل تالاپتار كەزەڭ-كەزەڭىمەن ىسكە اسىرىلىپ, اۋاعا تارايتىن زياندى شىعارىندىلاردى ازايتۋعا باعىتتالعان, دەپ جازادى Egemen.kz.
وزگەرىستەر كولىككە, كاسىپورىندارعا جانە جەكە سەكتوردى قامتيدى. ماسەلەن, كولىكتەر ءۇشىن كاتاليزاتورلاردى مىندەتتى تۇردە پايدالانۋ جانە شىعارىندىلار نورمالارىن ساقتاۋ سەكىلدى تالاپتار ەنگىزىلەدى.
الماتى اۋاسى جاقىن ارادا جاقسارا ما؟
ال III ساناتتاعى نىسانداردان مىندەتتى تۇردە سۇزگى ورناتۋ, شاڭدى باساتىن تەحنولوگيا ەنگىزۋ, تۇراقتى زەرتحانالىق ولشەمدەر جۇرگىزۋ جانە ەكولوگيالىق تازا وتىن تۇرلەرىنە كوشۋ تالاپ ەتىلەدى. سونداي-اق, ەرەجەگە سايكەس, قالانىڭ گازداندىرىلعان اۋداندارىندا قاتتى جانە سۇيىق وتىندى پايدالانۋعا تىيىم سالىنادى. بۇل شارالار اۋانىڭ لاستانۋىن ازايتىپ, قالاداعى ەكولوگيالىق احۋالدى جاقسارتۋعا ىقپال ەتەدى دەپ بولجانىپ وتىر.