استانادا الماتى قالاسى اكىمىنىڭ بۇرىنعى ورىنباسارى ەرجان باباقۇماروۆتىڭ ولىمىنە قاتىستى ءىس بويىنشا سوت پروتسەسى اياقتالدى. بۇل تۋرالى ەلوردانىڭ قىلمىستىق ىستەر جونىندەگى سوتى حابارلادى, دەپ جازادى Egemen.kz.
سوت ۇكىمىنە سايكەس, ايىپتالۋشى قىلمىستىق كودەكستىڭ 99-بابى 1-بولىگى بويىنشا كىنالى دەپ تانىلىپ, 11 جىلعا باس بوستاندىعىنان ايىرىلدى. ۇكىم زاڭدى كۇشىنە ەنگەن.
ءىس جابىق رەجيمدە قارالعاندىقتان, قىلمىستىق-پروتسەستىك كودەكستىڭ تالاپتارىنا سايكەس باسقا مالىمەتتەر جاريا ەتىلمەيدى.
بلوگەر ەربولات جانابىلوۆ پەن جۇبايىنا قاتىستى سوت ۇكىمى شىقتى
ەسكە سالا كەتەيىك, ەرجان باباقۇماروۆ استانادا بولعان توبەلەس كەزىندە قازا تاپقانى حابارلانعان ەدى. وسى فاكتى بويىنشا قىلمىستىق ءىس قوزعالىپ, كۇدىكتى ۇستالىپ, ۋاقىتشا ۇستاۋ يزولياتورىنا قامالعان.
تەرگەۋ اياقتالعان سوڭ ءىس سوتقا جولدانىپ, سوت پروتسەسى بيىلعى قاڭتار ايىندا باستالىپ, جابىق فورماتتا وتكەن.