زارداپ شەككەندەر مەن قۇربان بولعاندار جوق, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
وقيعا ورنىندا تۇسىرىلگەن ۆيدەو الەۋمەتتىك جەلىدە تارالدى.
وبلىستىق توتەنشە جاعدايلار دەپارتامەنتىنىڭ مالىمدەۋىنشە, اپات تۋرالى حابار 27 ماۋسىم كۇنى ساعات 14:25-تە كەلىپ تۇسكەن.
- اقسۋ اۋىلدىق ايماعىندا, پاۆلودار-ەكىباستۇز اۆتوجولىنىڭ تورتقۇدىق پەن پوگرانيچنيك اۋىلدارىنىڭ ارالىعىندا جۇك جانە جولاۋشىلار تاسىمالداۋعا ارنالعان گازەل ءاۆتوموبيلى تولىق جانىپ كەتتى. كولىك 10 شارشى مەتر اۋماقتا جانعان. ءورت سوندىرۋشىلەر كەلگەنشە كولىك يەسى جالىننىڭ بەتىن قايتارعان. ءورت ساعات 15:30-دا تولىعىمەن ءسوندىرىلدى, - دەدى دەپارتامەنت وكىلى.
اپاتتىڭ شىعۋ سەبەبى مەن شىعىنى انىقتالۋدا. وقيعا ورنىنا 1 تەحنيكا مەن جەكە قۇرامنىڭ 3 ادامى جۇمىلدىرىلدى.