شىمكەنت قالاسىنىڭ 2200 جىلدىعى جانە تاۋەلسىزدىكتىڭ 30 جىلدىعىنا وراي 19 ماۋسىم - «قالا كۇنى» مەرەكەسى تويلانادى, دەپ حابارلايدى Egemen.kz.
وسىعان وراي, شىمكەنت قالاسى مادەنيەت, تىلدەردى دامىتۋ جانە ارحيۆتەر باسقارماسىنىڭ ۇيىمداستىرۋىمەن 15-20 ماۋسىم ارالىعىندا 52 مەرەكەلىك ءىس-شارانى وتكىزۋ جوسپارلاندى.
بارلىق ءىس-شارا اشىق اسپان استىندا وتەدى. شىمكەنتتىكتەر مەن قوناقتار ءۇشىن قالا ورتالىعىنداعى ساياباقتاردا كىتاپ كورمەسى, تەاترلاردا تەگىن قويىلىمدار, جاڭارعان, كۇردەلى جوندەۋدەن وتكەن زاماناۋي كىتاپحانالاردىڭ اشىلۋ سالتاناتى, اشىق اسپان استىنداعى ءتۇرلى ويىن-ساۋىق كەشتەرى بولادى.
ايتا كەتۋ كەرەك, تەاتر, مادەنيەت سارايىنداعى مەرەكەلىك قويىلىمدارعا كەلگەن كورەرمەندەر Ashyq قوسىمشاسى ارقىلى تەكسەرىلىپ, ارا قاشىقتىقتى ساقتاي وتىرىپ تاماشالايدى. سونىمەن بىرگە ءىس-شارالاردى تاماشالاۋشىلار انتيسەپتيك قولدانىپ, بەتپەردە تاعۋى مىندەتتى.
مەرەكەلىك ءىس-شارالاردىڭ العاشقىسى بۇگىن ءال-فارابي قالالىق عىلىمي-امبەباپ كىتاپحاناسىندا ءوتتى. جازۋشى, شەجىرەشى مومبەك ابدىاكىم ۇلىنىڭ «شىمكەنت قالاسىنىڭ تاريحى» اتتى جاڭا كىتابىنىڭ تۇساۋى كەسىلدى.