شىمكەنتتە قاتتى جەلدەن اعاشتار قۇلاپ, سەگىز كوپقاباتتى ءۇي مەن ءتورت جەكە تۇرعىن ءۇيدىڭ شاتىرى ۇشىپ كەتتى, دەپ حابارلايدى Egemen.kz.
«قاتتى جەلدىڭ سالدارىنان اباي اۋدانىندا ءبىر كوممەرتسيالىق نىساننىڭ, ءال-فارابي اۋدانىندا ءبىر بەس قاباتتى ءۇيدىڭ, ەڭبەكشى اۋدانىندا ءتورت بەس قاباتتى ءۇيدىڭ, قاراتاۋ اۋدانىندا ءبىر بەس قاباتتى ءۇيدىڭ شاتىرى ۇشىپ ءتۇستى», دەپ حابارلايدى شىمكەنت تجد وكىلدەرى.
سونداي-اق اعاشتاردىڭ قۇلاۋىنان جانە ۇيلەردىڭ شاتىرىنىڭ بۇزىلۋىنان سەگىز اۆتوموبيل زارداپ شەككەنى بەلگىلى بولدى.
جەلدىڭ ەكپىنى ساعات 18.25-تەن 18.36 ارالىعىندا سەكۋندىنا 15-تەن 28 مەترگە دەيىن جەتكەن.
قازا بولعاندار مەن زارداپ شەككەندەر جوق. تجد مالىمەتىنشە, قازىر جاعداي تۇراقتى.