شاڭدى داۋىل شاتىر شايقادى

شاڭدى داۋىل سالدارىنان قالا بويىنشا 5 كوپقاباتتى تۇر­عىن ءۇيدىڭ, 3 كوممەرتسيالىق, 2 ءبىلىم بەرۋ نىسانىنىڭ شاتىر­لا­رى ۇشىپ, اۆتوكولىكتەردىڭ, عيمارات­تار­­دىڭ ۇستىنە قۇلاعان. جالپى عيما­راتتاردىڭ 3 223 شارشى مەتر شا­تىرى قۇلاعان, 6 اۆتوكولىك زا­قىم­­­­دال­­عان. ­قازىر كەلتىرىلگەن شى­­­عىن كو­لە­مى انىقتالىپ جاتىر. وكى­نىش­كە­ قاراي, 2009 جىلى تۋعان بالا زارداپ شەككەن. بۇگىندە ونىڭ دەنساۋلىق جاعدايى ورتاشا. وبلىستىق بالالار اۋرۋحانا­سىن­دا ەم قابىلداۋدا. ءۇشىنشى مەگا­پوليستىڭ قاراتاۋ اۋدانى نۇرسات شاعىن اۋدانىندا, قىزىل سۋ, يسفيدجاب, وتەمىس, سايرام, شاپىراشتى تۇرعىن الاپتارىندا ەلەكتر قۋاتى سونگەن. اۋداندىق ەلەكتر ستان­سالاردىڭ مامان­دارى اتقارعان اپاتتى قالپىنا كەل­تىرۋ جۇ­مىستارى ناتيجەسىندە, ءتۇن جا­رىم­ع­ا جاقىن اتالعان مەكەن­جاي­لار­عا ەلەكتر قۋاتى قايتا قوسىلدى.

شىمكەنت قالالىق توتەنشە جاع­داي دەپار­تامەنتىنىڭ حابارلاۋىن­شا, وقيعا ورىندارىندا 24 ادام, 7 تەحنيكا, سونداي-اق «قازترانسگاز» اق شىمكەنت فيليالىنىڭ, «وڭتۇستىك جارىق ترانزيت» جشس-نىڭ, «سۋ رەسۋرستار ماركەتينگ» جشس-نىڭ قىزمەتكەرلەرى مەن تەح­ني­كا­لا­رى جۇمىس اتقارعان. دە­پار­تا­مەنتتە جەدەل شتاب قۇرى­لىپ, تاۋلىك بويى كەزەكشىلىك ۇيىمداس­تى­رىل­عان. كوممۋنالدىق قىز­مەتتەر مەن اپاتتىق بريگادالار داۋىل سالدارىن جويۋدا.