شەكتەۋ شارالارى ۇزارتىلدى

بۇل, ارينە ءۇشىنشى مەگا­پو­ليستە سوڭعى اپتالاردا ىندەت تارالۋدىڭ جاعىمسىز كورسەت­كىش­تەرى ەسكەرىلىپ قولدا­نىلعان شارا. مىسالى, شىمكەنتتە وتكەن تاۋلىكتە كوروناۆيرۋس ين­فەك­تسياسىنىڭ 46 جاعدايى تىر­كەلدى. ونىڭ 15-ءى ينفەكتسيالىق ستاتسيونارعا جاتقىزىلىپ, 31 ادام ءۇي باقىلاۋىنا الىندى. قا­لالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆتىڭ دەرەگىنشە, قا­­­زىرگى تاڭعا مامانداندىرىلعان ينفەكتسيالىق ستاتسيونارلاردا بارلىعى 1 376 ورىن بار, توسەكتىك ورىن تولىمدىعى – 37%, ياعني 879 ورىن بوس. ينفەكتسيالىق ستاتسيوناردا 505 ناۋقاس, ونىڭ 207-ءى كوروناۆيرۋستان, 283-ءى پنەۆمونيا, 15-ءى تۇماۋدان ەمدەلۋدە. ال جانساقتاۋ بولىمىندە 31 ناۋقاس جاتىر. ءبىر تاۋلىك ىشىن­دە قالادا 2 647 ادام ۆاكتسينا العان. جالپى, ەگۋ ناۋقانى باستالعالى بارلىعى 175 270 ادام ۆاكتسينالاندى. ونىڭ ىشىندە 85 233 ادام ۆاكتسينانىڭ ەكى كوم­پونەنتىن الدى. ەگىلگەن ادامداردان كەرى اسەر بايقالماعان. قالادا ۆاكتسينالاۋعا 43 ەگۋ پۋنك­تى جۇمىلدىرىلعان, 320 تەرموكونتەينەر دايىندالعان.

جىل باسىنان بەرى ءۇشىنشى مەگاپوليستە COVID-19 ينفەك­تسياسىنىڭ 6 145 جاعدايى, ال كوروناۆيرۋس ينفەكتسياسىنىڭ بەلگىلەرى بار پنەۆمونيامەن 512 جاعداي تىركەلگەن. باسقارما باسشىسىنىڭ ايتۋىنشا, جىل باسىنان بەرى ىندەت جۇقتىرعان 5 010 ناۋقاس ەمدەلىپ شىققان. قازىرگى تاڭدا قالا تۇرعىندارىنا قىزمەت كورسەتەتىن, تاۋلىگىنە

6 070 تەست وتكىزۋگە قاۋقارلى, 11 پتر زەرتحاناسى جۇمىس ىستەۋدە. قالا تۇرعىندارىن قاجەتتى دا­رىلىك زاتتارمەن قامتاماسىز ەتۋ دە باستى نازاردا. بۇل ورايدا جىل باسىنان بەرى 110 435 ازامات تەگىن دارىلىك زاتتارمەن قامتاماسىز ەتىلگەن. ول ءۇشىن 3,7 ملرد تەڭگە جۇمسالعان. بۇل قارجى سوزىلمالى اۋرۋمەن ەسەپتە تۇراتىن ناۋقاستارعا, اۋرۋحانادا جاتقان ازاماتتاردى ەمدەۋ شارالارى ءۇشىن بولىنگەن. ستاتسيونارلىق دەڭگەيدە بيىل جالپى سوماسى 5,845 ملرد تەڭگە بولاتىن دارىلىك زاتتار جانە مەديتسينالىق بۇيىمداردى جەت­كى­زۋگە كەلىسىم­شارت جاسالعان. سونداي-اق امبۋ­لاتوريالىق دەڭ­گەيدەگى 38 مەدي­تسينالىق ۇيىمعا 7,2 ملرد تەڭگە سومما­سى­نا دارىلىك زاتتار جانە مەدي­تسي­نالىق بۇيىمداردى ساتىپ الۋعا ءوتىنىم ۇسىنىلدى. ساتىپ الۋ ءوتىنىمى بويىنشا ەمحانا دەڭگەيىندە ناۋقاستار تەگىن دارى­مەن قامتاماسىز ەتىلمەك.

ەپيداحۋالدىڭ تۇراقسىزدىعى قاريالار مەن مۇمكىندىگى شەك­تەۋلى ازاماتتارعا دا قيىن سوعۋدا. قازاقتىڭ جالپاق تىلىمەن ايت­ساق, ءتورت قابىرعاعا قامالعان قاريالار تۋعان-تۋىسىن ارالاپ, بوي جازعىسى كەلەتىنى زاڭ­دىلىق. دەگەنمەن بۇگىنگى جاع­داي­دى ەسكەرىپ, دەنساۋلىعىنا الاڭدايتىن ۇرپاعىنىڭ اتا-اجەسىن ۇيدەن شىعارعىسى جوق. وسى ورايدا اعا بۋىن وكىلدەرىنە شيپاجايلاردىڭ كوپتەپ كومەگى تيۋدە. مىسالى, شىمكەنت قالا­سىنىڭ 1 مىڭعا جۋىق ازاماتى جىل باسىنان بەرى ەلىمىزدىڭ ءتۇرلى شيپاجايلارىندا تەگىن ەمدەلدى. ونىڭ ىشىندە 736 جولداما زەينەت جاسىنداعىلارعا, 393 جولداما مۇگەدەكتىگى بار ازاماتتارعا بەرىلگەن. بۇگىندە تاعى 4 مىڭعا جۋىق مۇمكىندىگى شەكتەۋلى ازا­ماتتارعا جولداما بەرۋ جوسپارلانۋدا. قالالىق جۇمىسپەن قامتۋ جانە الەۋمەتتىك قورعاۋ باس­قارماسى مالىمدەگەندەي, «الەۋ­مەتتىك پورتال» ارقىلى مۇ­گە­­دەكتىگى بار ازاماتتار ۇيىندە وتىرىپ-اق ءوز تاڭداۋى بويىنشا قالاعان شيپاجايىنا تەگىن جولداما الا الادى. بيىل شىمكەنتتە ورنالاسقان «دەنساۋلىق» شيپاجايى مەن تۇلكىباس اۋدانىنداعى «اقسۋ-جاباعىلى» جانە تاراز قالاسىنداعى «ايشا ءبيبى» شيپاجايلارى قىزمەت كورسەتۋدە.