قوسىمشا بىلىمگە كوبىرەك ءمان بەرىلمەك

ءبىلىم جانە عىلىم ءمي­نيسترى اسحات ايماعام­بەتوۆ 2021 جىلعى 11 ناۋرىزداعى ۇكىمەت وتىرىسىنداعى بايان­دا­ماسىن­دا: «دارىندى بالالاردى قول­داۋ جۇمىستارىن جالعاس­تىرامىز. «مىڭ بالا» جوباسى جالعاسادى, رەسپۋب­ليكا­لىق وليمپيادانىڭ, پرە­زيدەنت­تىك وليمپيادانىڭ جا­ڭا ۇلگىلەرى ەنگىزىلەدى. وعان قوسا, جاقىندا قابىلدانعان زاڭ­نىڭ شەڭبەرىندە قوسىمشا ءبىلىم الۋعا كەڭ مۇمكىندىك بەرۋ ءۇشىن مەملەكەتتىك تاپسىرىس كونكۋرستىق نەگىزدە جانە جە­كەمەنشىك ۇيىمداردا دا ور­نالاساتىن بولادى. سونىڭ ناتيجەسىندە 2025 جىلى بۇل كورسەتكىش 100 پايىزعا دەيىن جەتەدى. بەس جىلدىڭ ىشىندە بارلىق مەكتەپتە سپورتپەن اينالىسۋعا جاعداي جاسالادى. سونداي-اق دەنە شىنىقتىرۋ مۇعا­لىمدەرىنە سەكتسيالار مەن ۇيىرمەلەر وتكىزگەنى ءۇشىن اي سايىن قوسىمشا 17 مىڭ تەڭگە اقى تولەنەدى», دەگەن ەدى.

مينيسترلىكتىڭ قوسىمشا ءبىلىم بەرۋدىڭ كوكجيەگىن كە­ڭەيتۋگە قاتىستى باستاماسىن وڭىرلىك اكىمدىكتەر دە قول­داي باستاعان سىڭايلى. ەلور­دا اكىمى التاي كولگىنوۆ ءوزىنىڭ الەۋمەتتىك جەلىدەگى پاراق­شاسىندا بالالاردى قوسىم­شا بىلىممەن قامتۋ جۇمىس­تارى قالاي جۇرگىزىلىپ جات­قانىن جازدى.

«ساپالى ءبىلىم بەرۋ مەن وقۋشىلاردىڭ جان-جاقتى دامۋى ءۇشىن مەكتەپتەردى سا­لىپ, ولاردى جوندەۋدەن باسقا, قوسىمشا ءبىلىم بەرۋدى دامى­تۋعا ەرەكشە نازار اۋدارۋ قاجەت. مەملەكەت باس­شىسىنىڭ تاپسىرماسىنا ساي­كەس بالالاردى قوسىمشا بىلىم­مەن بارىنشا قامتۋ بويىنشا جۇمىستار جۇرگىزىلىپ جاتىر. بالالاردىڭ سپورت­تىق, شىعارماشىلىق جانە زياتكەرلىك الەۋەتىن ىسكە اسىرۋى ماڭىزدى. بىرقاتار كوپبەيىندى قوسىمشا ءبىلىم بەرۋ ورتالىقتارىنىڭ جۇمىس بارىسىمەن تانىستىم. ونىڭ ىشىندە جەلەزنودوروجنىي ەلدى مەكەنىندە ورنالاسقان تەح­نيكالىق شىعارماشىلىق ورتالىعى بار. عيمارات بۇ­رىن بوس تۇرسا, قازىر جون­دەلىپ, قوسىمشا ءبىلىم بە­رە­تىن ورتالىققا اينالدى (ج.جاباەۆ كوشەسى, 27). اتال­­عان قوسىمشا ءبىلىم بەرۋ ورتالىعىندا روبوتتەحنيكامەن, اۆيامودەلدەۋمەن, تەح­نيكالىق ديزاينمەن, قولونەرمەن, موتوكروسپەن جانە ت.ب. اينالىسۋ ءۇشىن بار­­لىق جاعداي جاسالعان. ورتا­لىقتىڭ 30-دان استام فيليالى جۇمىس ىستەيدى. ولار قالا ىشىندە دە, ەلدى مەكەندەردە دە ورنالاسقان. 7 جاستان 18 جاسقا دەيىنگى بالالار ورتا­لىققا تەگىن بارا الادى», دەيدى باس قالانىڭ اكىمى.

ا.كولگىنوۆ ءوزىنىڭ جازبا­سىندا تاعى م.وتەمىسوۆ اتىن­داعى وقۋشىلار سارايىن­دا ء(ا.مامبەتوۆ كوشەسى, 1) جوندەۋ جۇمىستارى جۇرگى­زى­لىپ, قوسىمشا ۇيىر­مەلەر اشىل­عانىن تىلگە تيەك ەتكەن. ونىڭ ايتۋىنشا, وندا كور­كەم جانە الەۋمەتتىك شى­عارماشىلىقتى, دەنە شى­نىق­تىرۋ مەن سپورتتى دامىتۋ ءۇشىن بارلىق جاعداي جا­سالدى. ورتالىقتا لينگۆيس­تيكا, دومبىرا, شاحمات, تو­عىز­قۇمالاق, روبوتتەحنيكا, ۆيدەوگرافيكا, سپورت سەكتسيا­لارى (باسسەين, باسكەتبول) جانە ت.ب. كابينەتتەر بار.

«بالالاردى قوسىمشا بىلىممەن قامتۋدا اۋلا كلۋبتارى دا كومەكتەسەدى. بۇگىندە نۇر-سۇلتاندا 28 اۋلا كلۋبى جۇمىس ىستەپ تۇر, ال ون­داعى تاربيەلەنۋشىلەرىنىڭ سانى شامامەن 3 مىڭ بالانى قۇرايدى. جانە بيىل قوسىم­شا جاڭا وقۋشىلار سارايى عيماراتىنىڭ قۇ­رىلىسىن باستايمىز», دەدى ەلوردا اكىمى.