شىمكەنت قالاسىندا كوروناۆيرۋس پاندەمياسى باستالعاننان 10 931 جاعدايى تىركەلگەن. ونىڭ ىشىندە 6156 سيمپتوممەن بولسا, 4775 سيمپتومسىز. ەمدەلىپ شىققاندار سانى – 9528, قايتىس بولعاندار – 55. بۇل تۋرالى بۇگىن ۇكىمەت وتىرىسىندا قالا اكىمى مۇرات ايتەنوۆ ايتتى.
«18 مامىردا COVID-19 ينفەكتسياسىن جۇقتىرۋدىڭ 30 جاعدايى تىركەلدى. ونىڭ 24-ءى سيمپتوممەن, 6-ى سيمپتومسىز. 1 269 ادام ەمدەلۋدە, ونىڭ ىشىندە 940 ۇيلەرىندە كارانتين رەجيمىندە. سوڭعى 14 كۇندە «COVID-19» جۇقتىرعان ناۋقاستارمەن قاتىناستا بولعان 2 620 ازامات امبۋلاتورلىق باقىلاۋدا. قالا تۇرعىندارىنا قىزمەت كورسەتەتىن 11 پتر زەرتحاناسى جۇمىس ىستەۋدە. زەرتحانالاردا 1 كۇندە 6200 تەست جاساۋعا مۇمكىندىك بار. بارلىعى 405 702 پتر تەست وتكىزىلدى. 17 مامىردا 685 پتر تەست جاسالعان», دەدى قالا اكىمى.
اكىمنىڭ ايتۋىنشا, قالادا مامانداندىرىلعان ينفەكتسيالىق 1406 توسەك-ورىن بار. ستاتسيوناردا 679 ازامات ەم قابىلداۋدا (كۆي – 329, پنەۆمونيا –345, جرۆي – 5). توسەك-ورىن تولىمدىلىعى 48% قۇرايدى, 727 توسەك ورنى بوس. جاڭساقتاۋ بولىمىندە 159 توسەك ورىن بار, وندا 76 ازامات ەم قابىلداۋدا. ال ەپيدەميولوگيالىق جاعداي ناشارلاعاندا توسەك-ورىنداردىڭ سانى 5 416-عا جەتكىزىلەتىن بولادى.