سەيسەنبىدەن سارسەنبىگە قاراعان ءتۇنى فۋتبولدان ۋەفا چەمپيوندار ليگاسىنىڭ جارتىلاي فينالدىق سايىسىندا انگليانىڭ «مانچەستەر سيتي» جانە فرانتسيانىڭ پسج كلۋبتارى كۇش سىناستى.
پاريجدە وتكەن العاشقى ماتچ 2:1 ەسەبىمەن قوناقتاردىڭ پايداسىنا شەشىلگەن ەدى. بۇل جولى دا اعىلشىنداردىڭ باسىمدىعى انىق بايقالدى. 11-مينۋتتا رياياد مارەز ەسەپ اشتى – 1:0. جىلدام سوعىلعان گولدان كەيىن فرانتسيالىق كلۋبتىڭ ويىنشىلارى ەسەنى قايتارۋعا جانتالاسقانىمەن, ولاردىڭ بۇل ارەكەتىنەن ەش ناتيجە شىقپادى. ءيا, قوناقتاردىڭ كەمىندە ەكى رەت تارازى باسىن تەڭسەلتۋلەرىنە مۇمكىندىگى بولعانى راس. العاشىندا ماركينوستىڭ باسپەن باعىتتاعان دوبى ماڭدايشاعا تيسە, ەكىنشى رەتىندە انحەل دي ماريا الىستان بوس قاقپانى ءدال كوزدەي المادى.
ۇزىلىستەن كەيىن پسج-نىڭ ورەندەرى دورەكى ويناي باستادى. 63-مينۋتتا مارەز ەكىنشى مارتە مەرگەندىك تانىتتى – 2:0. سودان كەيىن-اق ويىننىڭ ءمانى دە, ءسانى دە كەتتى. قوس كوماندانىڭ ويىنشىلارى ءبىر-بىرىمەن قايتا-قايتا ەرەگەسىپ, جانجالداسىپ, ۇستاسىپ, ج ۇلىسىپ, ءتاپ-ءتاۋىر ءوتىپ جاتقان باسەكەنىڭ بەرەكەسىن قاشىردى. ناتيجەسىندە 69-مينۋتتا دي ماريا الاڭنان قۋىلدى. ونسىز جا جەڭىلىپ جاتقان قوناقتار ءۇشىن بۇل وتە اۋىر سوققى بولدى. سودان كەيىن تابلوداعى ەسەپ وزگەرگەن جوق.
وسىلايشا, «مانچەستەر سيتي» ءوز تاريحىندا تۇڭعىش رەت ۋەفا چەمپيوندار ليگاسىنىڭ فينالىنا شىقتى.