«قازاقكونتسەرت» ۇيىمىنىڭ ارتىستەرى «ەسكەندىر اعا تۋرالى» اتتى ارنايى شىعارىلىم ۇسىنادى. ونلاين فورماتتاعى ءىس-شارادا قازاقستاننىڭ حالىق ءارتىسى ەسكەندىر حاسانعاليەۆتىڭ اندەرى ورىندالىپ, ونىڭ ونەگەلى ونەرى تۋرالى ەستەلىكتەر ايتىلادى, دەپ حابارلايدى Egemen.kz
وزدەرىنىڭ ەستەلىكتەرىمەن «قازاقكونتسەرت» ۇيىمىنىڭ كوركەمدىك جەتەكشىسى, قر ەڭبەك سىڭىرگەن قايراتكەرى تيمۋر ۋرمانچەەۆ, قر ەڭبەك سىڭىرگەن قايراتكەرى, كومپوزيتور سەرىك ەركىمبەكوۆ, قازاقستان كومپوزيتورلارى وداعىنىڭ توراعاسى سەرىكجان ءابدىنۇروۆ بولىسەدى. ونلاين فورماتتا قازاقكونتسەرتتىڭ جاس انشىلەرى مەن «استانا ميۋزيكل» تەاترىنىڭ ارتىستەرى ەسكەندىر حاسانعاليەۆتىڭ ومىرشەڭ اندەرىن جاندى داۋىستا ورىندايدى. ارنايى شىعارىلىم ساعات 21:00-دە قازاقكونتسەرتتىڭ Qazaqconcert Live YouTube ارناسىندا كورسەتىلەدى. بيىل, 30 ساۋىردە ايگىلى ءانشi, كومپوزيتور, قازاق كسر-ءنىڭ حالىق ءارتيسى, قازاقستان رەسپۋبليكاسىنىڭ مەملەكەتتىك سىيلىعىنىڭ, «قۇرمەت», «وتان» وردەندەرىنىڭ يەگەرى ەسكەندىر حاسانعاليەۆ ومىردەن وزدى.