2021 جىلدىڭ 1 مامىرىنان باستاپ قازاقستاننىڭ كەيبىر زاڭنامالارىنا ەنگىزىلگەن وزگەرىستەر كۇشىنە ەنەدى, دەپ حابارلايدى Egemen.kz «پاراگراف» اقپاراتتىق پورتالىنا سىلتەمە جاساپ.
زەينەتاقى جۇيەسى – 1 مامىردان باستاپ تاراتىلعان بانكتەردەن تالاپ ەتىلمەگەن دەپوزيتتەر زەينەتاقى شوتتارىنا اۋدارىلادى.
ەرىكتى زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارتتىڭ جاسالۋ ەرەجەلەرى مەن ستاندارتتى نىسانى وزگەرۋدە.
جىلجىمايتىن م ۇلىكتى تىركەۋ – تىركەۋشى ورگانعا قۇقىقتىق كاداستردىڭ اقپاراتتىق جۇيەسى ارقىلى كەلىپ تۇسكەن قۇقىق بەلگىلەيتىن قۇجاتتىڭ ەلەكتروندىق كوشىرمەسى نەگىزىندە جۇزەگە اسىرىلادى. بۇعان دەيىن مالىمەتتەر بىرىڭعاي نوتارياتتىق اقپارات جۇيەسى(ENIS) ارقىلى الىنعان.
مادەنيەت – كورەرمەندەر كونتسەرتكە بيلەتتى ساتىپ العانعا دەيىن ولارعا فونوگرامما تۋرالى ەسكەرتىلۋى قاجەت.
قازاقستاندىقتار ەلەكتروندى كاتالوگتى «ۇلتتىق كىتاپحانانىڭ» سايتىنان تىركەۋسىز جانە اقىسىز پايدالانا الادى.
اۆتورلىق قۇقىق – اۆتورلارعا الەۋمەتتىك ماڭىزى بار ادەبيەتكە مەنشىك قۇقىعىن العاندىعى ءۇشىن بەلگىلەنگەن مولشەرلەمە بويىنشا سىياقى تولەنەدى.
مەملەكەتتىك مەنشىكتى جەكەشەلەندىرۋ – اۋكتسيون, كونكۋرس, ماقساتتى تىكەلەي ساتۋ, وتكىزۋ سونداي-اق جەكەشەلەندىرۋ وبەكتىلەرىن ساتۋ كەزىندە ەسەپ ايىرىسۋ ءتارتىبى ەرەجەلەرىنە وزگەرىستەر ەنگىزىلدى.
بانكتەر – الەۋمەتتىك جوبالارعا نەسيە بەرۋ تەتىگى شەڭبەرىندە بەرىلگەن قاراجاتتى بانكتەردىڭ ماقساتتى پايدالانۋى تەكسەرىلەتىن بولادى.
بەنزينگە اكتسيزدەر – ۇكىمەت بەنزينگە سالىناتىن اكتسيزدەر مولشەرلەمەسىن وزگەرتتى.
كەدەن – قارجى مينيسترلىگى جەرگىلىكتى جەردەگى كەدەندىك تەكسەرۋدىڭ الدىن-الا اكتىسىن تاپسىرۋ ەرەجەلەرى مەن مەرزىمدەرىن بەكىتتى.
جەر ماسەلەسى – جەر تەلىمدەرى مەملەكەتتىك–جەكەمەنشىك سەرىكتەستىك شارتتارى بويىنشا ۋاقىتشا وتەۋسىز پايدالانۋعا بەرىلەدى.
بۋحگالتەرلىك ەسەپ ءبولىمى – كاسىبي بۋحگالتەرلىك ورگاندار ءۇشىن ەسەپ تىزىمدەرى بەكىتىلگەن.
اقپارات – ۇكىمەت بىرلەسكەن جانە باسقا دا جۇمىستاردى جۇرگىزۋگە بايلانىستى مەملەكەتتىك قۇپيالاردى بەرۋدىڭ جاڭا ەرەجەسىن بەكىتتى.
مەملەكەتارالىق ستاندارتتار – قازاقستان مەملەكەتارالىق ستاندارتتاۋ جونىندەگى قۇجاتتاردى تاراتۋ تۋرالى كەلىسىمدى راتيفيكاتسيالادى. راتيفيكاتسيا مىنا ماسەلەلەردىڭ شەشىلۋىن قامتاماسىز ەتەدى: مەملەكەتارالىق ستاندارتتاردىڭ زاڭدى ساتىلۋىنا, ولاردىڭ قازىرگى زامانعى شىندىققا بەيىمدەلۋىنە قۇقىقتىق نەگىز جاسايدى سونداي-اق, بيزنەس ءۇشىن شىعىندار ازايادى.