«ەل ارنا» ارناسىنا جاڭا باسشى كەلدى

كاميلا كامنازاروۆا 2004 جىلى «حابار» اگەنتتىگى» اق-دا ءوزىنىڭ ەڭبەك جولىن «Caspionet»  ارناسىنىڭ رەداكتورى رەتىندە باستادى. رەداكتور رەتىندە ول تەلەۆيزيالىق جۋرنالدار شىعارۋمەن اينالىستى. ارنا رەداكتورىنىڭ جۇمىسىمەن قاتار, ك.ا.قامنازاروۆا   «7 كۇن», «ايماقتار جانە كۇش/رەگيونى ي ۆلاست» باعدارلامالارىندا ءتىلشى  جانە «تاعدىر جەلىسى/لينيا سۋدبى» باعدارلاماسىنىڭ ستسەناري اۆتورى بولىپ جۇمىس ىستەدى. 2010 جىلى ول «Caspionet» ارناسىنىڭ پروديۋسەرى قىزمەتىنە تاعايىندالدى. پروديۋسەر رەتىندە  تەلەديدار باعدارلامالارىن جاساۋمەن اينالىستى, سونىمەن قاتار «Persona Grata», «Travel Guide», «Faces of History» جانە تاعى دا باسقا  اۆتورلىق جوبالارىن جاسادى. سونداي-اق, 2010 جىلى ول استانادا وتكەن  وبسە  (ەقىۇ) سامميتى كەزىندە «Summit TV»-دا  «Caspionet» ارناسىن قايتا فورماتتاۋعا بەلسەندى قاتىستى.

2012 جىلى ارنا ءۇشىن استاناعا كوشۋ جانە رەبرەندينگپەن بايلانىستى ماڭىزدى كەزەڭدە كاميلا كامنازاروۆا جاڭا مەديا ورتالىقتا كانال جۇمىسىن بەيىمدەۋگە قاتىستى. 2014 جىلى «Kazakh TV» تەلەارناسىنىڭ باس رەداكتورى بولىپ تاعايىندالدى. بۇل قىزمەتتە ول تەلەديدارلىق كونتەنتتى اۋتسورسينگتەرگە اۋىستىرۋ پروتسەستەرىمەن  اينالىستى. وتاندىق تەلەارنالاردىڭ ىشىندە  «Kazakh TV» تەلەارناسى العاشقىلاردىڭ ءبىرى بولىپ ءوزىنىڭ جەكە كونتەنتىن وسىنداي مودەلدە وندىرۋگە تولىعىمەن  كوشتى.

2017 جىلدىڭ ءساۋىر ايىندا ك. كامنازاروۆا «ەل ارنا» ارناسىنىڭ باس رەداكتورى قىزمەتىنە اۋىسىپ, جاڭا ارنانىڭ اشىلۋىنا بەلسەنە ات سالىستى جانە قازىرگى ۋاقىتقا دەيىن ارنانىڭ مازمۇنى مەن رەداكتسيالىق ساياساتىن قالىپتاستىرۋ مەن جۇزەگە اسىرۋمەن اينالىستى.