سوڭعى جىلدارى كولىكتى الكاگولدىك ىشىمدىك ءىشىپ جۇرگىزۋگە جول بەرمەۋ ماقساتىنداعى جازالار قاتايتىلدى.
اكىمشىلىك قاماۋعا الىنادى, جۇرگىزۋشىلىك كۋالىگىنەن ايىرىلادى. دەگەنمەن, «ۇرتتاپ الىپ» كولىك باسقارۋ تىيىلماي تۇر. كۇنى كەشە ىشكى ىستەر مينيسترلىگى اكىمشىلىك پوليتسيا كوميتەتى توراعاسىنىڭ ورىنباسارى سەرىك ءتۇسىپوۆ جىل باسىنان بەرى ماس كۇيىندە كولىك ايداعان 5,2 مىڭ جۇرگىزۋشى ۇستالعانىن مالىمدەدى. جول قوزعالىسى ەرەجەلەرىن بۇزعانى ءۇشىن 6 مىڭ جۇرگىزۋشى كولىك جۇرگىزۋ قۇقىعىنان ايىرىلدى, 5,3 مىڭ ادام اكىمشىلىك قاماۋعا الىنعان.
ال تۇركىستان وبلىسىندا جىل باسىنان بەرگى ۇش ايدا 135 جول-كولىك وقيعاسى ورىن الىپ, 35 ادام قازا بولعان. جاراقات العانى – 186 ادام. سونىڭ ىشىندە 6 جول-كولىك وقيعاسى ماس حالدە كولىك جۇرگىزۋ سالدارىنان بولعان. وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ماس حالدە كولىك باسقارعان ازاماتتارعا قاتىستى 226 حاتتاما تولتىرىلعان.
وكىنىشكە قاراي, كولىكتى «اششى سۋدى» ءسىمىرىپ الىپ, رۋلگە وتىرعانداردىڭ ىشىندە مەملەكەتتىك قىزمەتشىلەر دە بار. بىراق ءبىزدىڭ ايتايىن دەگەنىمىز بۇل عانا ەمەس, وسىنداي جۇگەنسىز جۇرگىزۋشى-شەنەۋنىكتەرگە قولداۋ كورسەتكەن باسشىلارعا دا قاتىستى دەرەكتەر ەدى. جۋىردا تۇركىستان وبلىستىق ادەپ كەڭەسىندە شاردارا قالاسىنىڭ اكىمى ە.بەكەتكە قاتىستى تارتىپتىك ىسقارالدى. ماسەلەنىڭ ءمان-جايىنا قاراعاندا, بىلتىر 28 تامىزدا تۇنگى مەزگىلدە شاردارا قالاسى اكىمى اپپاراتىنىڭ باس مامانى م.بەكمۇراتوۆ كولىكتى ماس كۇيىندە باسقارعانى ۇشىن ۇستالادى. ءۇشىنشى قىركۇيەكتە شاردارا اۋداندىق سوتىنىڭ قاۋلىسىمەن ول 15 تاۋلىككە قاماۋعا الىنادى. شەنەۋنىك وسىلايشا 3-18 قىركۇيەك ارالىعىندا جەتىسايدا جازاسىن وتەۋ ۇشىن قاماۋدا وتىرعان. مۇنىڭ الدىندا, دالىرەگى 1 قىركۇيەكتە ول اكىمدىككە كەلىپ, جالاقىسى ساقتالمايتىن دەمالىس الۋعا ءوتىنىش جازادى. ونى شاردارا قالاسىنىڭ اكىمى ە.بەكەت قاناعاتتاندىرىپ بەرگەن. تەكسەرۋشىلەرگە بەرگەن تۇسىنىكتەمەسىندە ول قاراماعىنداعى قىزمەتكەرىنىڭ ماساڭ كۇيدە كولىك باسقارىپ, اكىمشىلىك جاۋاپقا تارتىلعانىنان حابارسىز بولعانىن, ونى بيىل قاڭتاردا اۋداندىق پەرسونالدى باسقارۋ ءبولىمى شاقىرعان كەزدە عانا بىلگەنىن ءمالىم ەتەدى. بۇعان سەنۋگە بولا ما؟ الدە شاردارادا شەنەۋنىكتەر ماس بولىپ, كولىك ايداپ كۇندە ۇستالىپ جاتىر ما؟ قالاي دەسەڭىز دە, ە.بەكەتتىڭ قاراماعىنداعى قىزمەتكەرىنىڭ مەملەكەتتىك قىزمەتشىگە جاراسپايتىن قىلىق تانىتىپ, قاماۋعا الىنعانىن باقانداي ءتورت اي بىلمەي كەلگەنى كۇمان تۋدىرادى. اكىم 1 اقپاندا م.بەكمۇراتوۆقا «قاتاڭ سوگىس» جازاسىن بەرەدى. الايدا ول وزىنە تيەسىلى مىندەتتى تولىق ورىنداماعان. اتاپ ايتقاندا, ادەپ كودەكسىنىڭ 8-تارماعى, 2-تارماقشاسىندا كورسەتىلگەن مىندەتى بويىنشا بولعان جايتتى باسشىلارعا, ادەپ جونىندەگى ۋاكىلگە حابارلاماعان. ادەپ كەڭەسى مۇشەلەرىنىڭ شەشىمىمەن ە.بەكەتكە «قاتاڭ سوگىس» جازاسىن بەرۋ تۋرالى ۇسىنىس شاردارا اۋدانىنىڭ اكىمىنە جولداندى.
ءدال وسىنداي جاعداي كورشىلەس جەتىساي اۋدانىندا كەزدەسكەن. جەتىسايداعى جاعداي بۇدانگورى شىم-شىتىرىقتاۋ. ماقتالى اۋىل وكرۋگىاكىمى اپپاراتىنىڭ باس مامانى ن.كارىباەۆ بىلتىر 26 ساۋىردە كولىك قۇرالىن باسقارۋ قۇقىعى جوق بولا تۇرا, سپيرتتىك ىشىمدىك ءىشىپ, ماساڭ كۇيدە اۆتوكولىك جۇرگىزىپ ۇستالادى. ۇشكۇننەن سوڭ وعان جەتىساي اۋداندىق سوتىنىڭ قاۋلىسىمەن 20 تاۋلىك مەرزىمگە اكىمشىلىك قاماققا الۋ جازاسى تاعايىندالعان. سوتتا ءوزىنىڭ جۇمىسسىز ەكەندىگىن ايتىپ, شىندىقتى جاسىرعان ن.كارىباەۆ بىردەن قۋلىققا كوشكەن. ولمۇنىڭ سوڭى تارتىپتىك جازاعا اپارىپ سوعاتىنىن تۇسىنگەندىكتەن, دەرەۋ ەڭبەككە جارامسىزدىق پاراعىن اشتىرادى. تەكسەرۋ بارىسىندا ونىڭ وتىرىگى اشكەرەلەنىپ قالادى. وسى كوز بوياۋشىلىققا جاردەمدەسكەنى ءۇشىن اسىق اتا اۋرۋحاناسى باس دارىگەرىنىڭ ورىنباسارى مەن دارىگەر سوگىس تۇرىندەگى تارتىپتىك جازاعا تارتىلدى. ەڭ قىزىعى مىنادا, باس مامان 29 ءساۋىر مەن 19 مامىر ارالىعىندا جەتىسايدا قاماۋدا جاتقان كەزدە ماقتالى اۋىلدىق وكرۋگىنىڭ اكىمى م.ابدۋماجيتوۆ ن.كارىباەۆتى 15 مامىردان باستاپ جۇمىسقا شىقتى دەپ, وعان ەڭبەكاقى تولەگەن. ءوزىنىڭ بەرگەن تۇسىنىكتەمەسىندە اۋىل اكىمى دە قاراماعىندا قىزمەتكەرىنىڭ ماس بولىپ, كولىك ايداعانىن, اكىمشىلىك قاماۋعا الىنعانىن بىلمەگەنىن العاتارتادى. مۇنىڭ دا ارعى جاعىنان كۇمان-كۇدىك قىلتيادى. م.ابدۋماجيتوۆقا «قىزمەتىنە تولىقسايكەس ەمەستىگى جونىندەگى ەسكەرتۋ» جازاسىن بەرۋ جونىندەگى ۇسىنىس جەتىساي اۋدانىنىڭ اكىمىنە جولداندى.
وسى ورايدا گەنەرال-مايور قايرات دالبەكوۆ باسقارىپ وتىرعان وبلىستىق پوليتسيا دەپارتامەنتىنىڭ قىزمەتكەرلەرى جول ەرەجەسىن بۇزۋشىلاردى انىقتاپ, قىلمىستىڭ الدىنا الۋ, شەن-شەكپەنىنە قاراماي زاڭدىلىقتى تالاپ ەتۋ باعىتىندا ناتيجەلى جۇمىس ىستەۋدە.
قاراماعىنداعى قىزمەتكەرلەرىن قورعاشتاپ, تارتىپتىك جازاعا تارتىلعان اكىمدەردىڭ ارەكەتى جايلى جۇرت پىكىرى ءارتۇرلى. الايدا بۇگىندە ماس جۇرگىزۋشىلەردىڭ كەسىرىنەن قانشاما جول-كولىك وقيعاسى ورىن الىپ, سوڭى قايعىعا ۇلاسىپ جاتىر ەمەس پە؟! سوندىقتان كولىكتى ماس كۇيىندە ايداعان شەنەۋنىكتەردى كەز كەلگەن قولداۋ ەشقانداي اقتاۋعا جاتپايتىنىن ايتا كەتكەن جون شىعار.