شىمكەنت قالاسىنداعى وپەرا جانە بالەت تەاترىندا كوۆيدكە قارسى ۆاكتسيناتسيالاۋ جۇمىستارى جۇرگىزىلۋدە. وسىنداعى جىلجىمالى ەگۋ پۋنكتىندە №14 ەمدەۋ ورتالىعىنىڭ ماماندارى تەاتر قىزمەتكەرلەرى مەن ەرىكتى تۇردە كەلگەن قالا تۇرعىندارىنا كوۆيدكە قارسى ەكپە ەگۋدە. مەديتسينا ماماندارى مۇندا 19-20 ءساۋىر كۇندەرى جۇمىس ىستەيدى, دەپ حابارلايدى Egemen.kz.
سونداي-اق قالاداعى №8 ەمحانا قىزمەتكەرلەرى «تسۋم» ساۋدا ورتالىعىنداعى جىلجىمالى ەگۋ پۋنكتىندە جۇمىس ىستەۋدە. مۇندا مەديتسينا ماماندارى ساۋدا ورتالىقتىڭ قىزمەتكەرلەرى مەن دۇكەنگە كەلۋشى ازاماتتارعا ۆاكتسينا سالۋدا. بۇل ءىس-شارا الداعى ۋاقىتتا جالعاسادى. ەندىگى كەزەكتە 20 ساۋىردەن باستاپ «شىمكەنت پلازا» ساۋدا ورتالىعى مەن بازارلاردا ەگۋ پۋنكتەرىن اشۋ جوسپارلانۋدا.
ايتا كەتەيىك, قوعامدىق ورىندار مەن ارنايى مەكەمەلەردە ۇيىمداستىرىلعان ەگۋ پۋنكتەرىنە كەز كەلگەن قالا تۇرعىنى كەلىپ, ەرىكتى تۇردە ۆاكتسينا سالدىرتسا بولادى. ەكپەدەن بۇرىن ازامات مىندەتتى تۇردە ساۋالناما تولتىرىپ, دارىگەردىڭ تەكسەرۋىنەن وتەدى. قارسى كورسەتىلىمدەرى بولماسا, كوۆيدكە قارسى ۆاكتسينا سالدىرتۋىنا بولادى.
بۇگىندە قالا بويىنشا ۆاكتسينا سالدىرۋ 38 ەگۋ پۋنكتىندە جۇرگىزىلىپ وتىر. ولار كۇندەلىكتى ساعات 08:00-دەن 22:00-گە دەيىن جۇمىس ىستەۋدە.