اۋىر اتلەتيكادان جاستار اراسىنداعى الەم بىرىنشىلىگى بيىلعى جىلدىڭ 21-31 مامىر ارالىعىندا وزبەكستاننىڭ باس شاھارى تاشكەنتتە وتەدى, دەپ حابارلايدى Egemen.kz.
وسىنىڭ الدىنداعى الەمدىك دودا 2019 جىلى فيدجي ەلىنىڭ استاناسى – سۋۆا قالاسىندا وتكەن بولاتىن. جەر جاھاننىڭ ءار قيىرىنان جينالعان دارىندى جاستاردىڭ جارىسىندا قازاقستاننىڭ بەس سپورتشىسى ونەر كورسەتىپ, سولاردىڭ ۇشەۋى جەڭىس تۇعىرىنا كوتەرىلدى. اتاپ ايتساق, 81 كيلو سالماقتاعى كارينا قۇزعانباەۆا مەن 87 كيلو سالماقتاعى داريا احمەروۆا التىننان القا تاعىنسا, 96 كيلو سالماقتاعى ارتەم انتروپوۆ كۇمىسكە قول سوزدى.
جەرلەستەرىمىزدىڭ سۋۆادا كورسەتكەن ناتيجەلەرى مىناداي:
كارينا قۇزعانباەۆا – 224 (98+126) كيلو.
داريا احمەروۆا – 236 (103+133) كيلو.
ارتەم انتروپوۆ – 352 (155+197) كيلو.