«بايتەرەك» حولدينگىنە قاراستى «قازاقستان تۇرعىن ءۇي كومپانياسى» باسقارما توراعاسىنىڭ ورىنباسارى پارا الدى دەگەن كۇدىككە ىلىنگەن. وعان قاتىستى قىلمىستىق ءىس قازىر سوتقا جىبەرىلگەن, دەپ جازادى Egemen.kz
بۇل تۋرالى سىبايلاس جەمقورلىققا قارسى قىزمەتتىڭ اسا ماڭىزدى ىستەرى جونىندەگى تەرگەۋشىسى دانيار بيعايداروۆ حابارلادى.
«ول زاڭدى تۇلعانىڭ قۇرىلتايشىسىنان ورتاق م ۇلىكتى باسقارۋ (جىلۋ جانە ەلەكترمەن قامتاماسىز ەتۋ) بويىنشا ۇيىمنىڭ قىزمەت كورسەتۋ اكتىسىنە قول قويعانى ءۇشىن 2,4 ميلليون تەڭگە سوماسىندا پارا الدى دەگەن كۇدىككە ءىلىندى», دەدى ول.
ايتا كەتەيىك, قازاقستانداعى تۇرعىن ءۇي قۇرىلىسىنىڭ بىرىڭعاي وپەراتورى سانالاتىن «قازاقستان تۇرعىن ءۇي كومپانياسى» «بايتەرەك» حولدينگىنىڭ قۇرامىنا كىرەدى.