ۇكىمەت مونيتورينگ توپتارىنىڭ جۇمىسىن رەتكە كەلتىرۋى ءتيىس. بۇل تۋرالى كوروناۆيرۋس ىندەتىنە قارسى ءىس-قيمىل جونىندەگى جيىن بارىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى Egemen.kz
«شەكتەۋلەر مەن ودان كەيىنگى رەيدتەر كۇتىلگەن ناتيجەگە قول جەتكىزبەي الەۋمەتتىك شيەلەنىسكە سەبەپ بولىپ وتىر. مونيتورينگ توپتارىنىڭ جۇمىسى كەيدە ىرىكتەۋمەن, اشىق ەمەس سيپاتقا يە بولىپ, ءبىر مەكەمەلەر ۇنەمى تەكسەرىلسە, كەيبىرى مۇلدەم تەكسەرىلمەيدى», دەدى پرەزيدەنت.
بۇل ورايدا مەملەكەت باسشىسى پروكۋراتۋرا جانىندا رەيد كەزىندەگى زاڭ بۇزۋشىلىقتارعا شاعىم جاساۋعا بولاتىن كولل-ورتالىقتار جۇمىس ىستەۋى تيىستىگىن باسا ايتتى.
«ۇكىمەت جانىنداعى ۆەدموستۆوارالىق كوميسسيا اكىمدەرمەن بىرگە مونيتورينگ توپتارىنىڭ جۇمىسىن رەتكە كەلتىرۋى ءتيىس», دەدى قاسىم-جومارت توقاەۆ.