«ولجا اگرو» ديرەكتورى: جەكەمەنشىككە جەر العان كاسىپكەرلەر قول قۋسىرىپ وتىرماي, ەل يگىلىگى ءۇشىن جۇمىس ىستەۋى ءتيىس

«بۇگىندە ەلىمىزدە ەڭبەك ەتەتىن اۋىل شارۋاشىلىعى تاۋارلارىن وندىرۋشىلەردىڭ قاراسى كوپ. اۋىل شارۋاشىلىعىن جۇرگىزۋدىڭ زامانۋي ادىستەرىن قولدانىپ, ونىڭ تيىمدىلىگىن ارتتىرۋعا تىرىسقان فەرمەرلەر دە جەتەرلىك. بىراق جەرمەن جۇمىس ىستەۋ كەرەك. تەك سوندا عانا ناتيجەگە جەتۋگە بولادى. قازاقستاندا جەر وتە قۇنارلى. ونىڭ مول ءونىم بەرۋگە مۇمكىنشىلىگى جەتەرلىك. الايدا, جەردىڭ الەۋەتى ءالى تولىق اشىلعان جوق. مىسالعا, قازاقستان اۋىل شارۋاشىلىعىنىڭ ءجىو-دەگى ۇلەسى 5 پايىز عانا. ال بۇل كورسەتكىش بەلارۋستە 8, ۋكراينادا 12, وزبەكستاندا 30 پايىزدى قۇرايدى. 1990 جىلدارى قازاقستاننىڭ اۋىل شارۋاشىلىعى ۇلەسى ءىجو-ءنىڭ 34 پايىزىن قۇراعان ەدى. مۇنداي جايتتىڭ ورىن الۋىنىڭ باستى سەبەبى جەردىڭ ۇتىمسىز پايدالانۋى بولىپ وتىر», دەدى ول.

سونداي-اق «ولجا اگرو» باس ديرەكتورى قازاقستاندىقتارعا جەردى جەكەمەنشىككە بەرۋ ماسەلەسىنە قاتىستى پىكىر ءبىلدىردى.

«بۇل ەرەكشە جان-جاقتى قاراستىرۋدى قاجەت ەتەتىن ماڭىزدى ماسەلە. سوندىقتان شەشىم قابىلداۋدا اسىعىستىق تانىتپاعان ءجون. كاسىپكەرلەر جاۋاپكەرشىلىكتى ءوز موينىنا الۋدى ۇيرەنۋى قاجەت. جەكەمەنشىككە جەر العان كاسىپكەرلەر قول قۋسىرىپ وتىرماي, ەل مەن حالىقتىڭ يگىلىگى ءۇشىن جۇمىس ىستەۋى كەرەكتىگىن, جەردىڭ الەۋەتىن بارىنشا اشۋ ءۇشىن ايانباي تەر توگۋ كەرەك ەكەنىن ءجىتى ءتۇسىنۋى ءتيىس. جالپى العاندا اۋىل شارۋاشىلىعى جەرلەرىن بەرۋدىڭ ەڭ ءتيىمدى ءارى پارمەندى ءىس-شاراسى – ۇزاق مەرزىمدى جالعا ۇسىنۋ. سەبەبى, جەردى پايدالانىپ جۇرگەن فەرمەرلەر ءۇشىن ونى ۇزاقمەرزىمدى جالعا الۋ مەن جەكەمەنشىككە الۋدىڭ ەش ايىرماشىلىعى جوق», دەدى ايداربەك قوجانازار ۇلى.