اتىراۋدى ءدۇر سىلكىندىرگەن جانگەلدين اۋىلىنداعى وتباسىنىڭ ولىمىنە قاتىستى تەرگەۋ اياقتالدى. كۇدىكتى تەك ادام ءولتىرىپ قانا قويماي, مارقۇمداردىڭ مالىن ساتىپ, اقشاسىن ۇرلاعان بولىپ شىقتى, دەپ حابارلايدى Egemen.kz.
اقجايىق باسىلىمىنىڭ مالىمەتىنشە, ايىپتالۋشى قىلمىستىق ءىس ماتەريالدارىمەن تانىسىپ شىققان. ول ءتورت ادامدى ءولتىرۋ فاكتىسى بويىنشا بەرگەن جاۋاپتارىندا بۇل ارەكەتىن راستاعان.
سۇلتان سارسەماليەۆكە قر قىلمىستىق كودەكسىنىڭ بىرنەشە بابى بويىنشا ايىپ تاعىلىپ وتىر.
جازادان قۇتىلا المايدى: نۇراي سەرىكبايدى ولتىرگەن كۇدىكتىنىڭ اقىل-ەسى دۇرىس دەپ تانىلدى
تەرگەۋ بارىسىندا انىقتالعانداي, كۇدىكتى تەك ادام ءولتىرىپ قانا قويماي, قازا تاپقان وتباسىنىڭ مالىن ساتىپ جىبەرگەن جانە ولاردىڭ بانك كارتالارىنداعى اقشالاي قاراجاتىن جىمقىرعان.
جىبەك جولىنداعى قاندى وقيعا: ءۇش ادامدى ولتىرگەن كۇدىكتىنىڭ جاعدايى بەلگىلى بولدى
بۇعان دەيىن اتىراۋ وبلىستىق پروكۋراتۋراسى حابارلاعانداي, پسيحولوگيالىق-پسيحياتريالىق ساراپتامانىڭ قورىتىندىسى بويىنشا سۇلتان سارسەماليەۆ تولىقتاي ەسى دۇرىس دەپ تانىلعان. دەمەك, ول جاساعان قىلمىسى ءۇشىن زاڭ الدىندا تولىق كولەمدە جاۋاپ بەرەدى.
تاعىلعان ايىپتاردىڭ اۋىرلىعىن ەسكەرسەك, كۇدىكتىگە ءومىر بويىنا باس بوستاندىعىنان ايىرۋ جازاسى بەرىلۋى مۇمكىن.
بۇعان دەيىن كۇدىكتى سۇلتان سارسەماليەۆتىڭ قىلمىستى ءبىر ۋاقىتتا ەمەس, كەزەڭ-كەزەڭىمەن جاساعانىن جازعان ەدىك. ءبىرىنشى وقيعا مامىر ايىندا تىركەلسە, قالعان ءۇش ادام قاراشا ايىندا قازا تاپقان.