فۋتزال: قازاقستان الەمدەگى ەڭ مىقتى وندىقتىڭ قاتارىنا ەندى

سوڭعى دەرەكتەرگە سۇيەنسەك, قازاقستان قورجىنىنا 3,2 ۇپاي قوسىپ, جالپى 1403,8 باللمەن ءبىر ساتى جوعارى كوتەرىلدى. ال كەرىسىنشە, ۋكراينا قۇراماسى 14,92 ۇپايىن جوعالتىپ, 9-ورىنعا سىرعىدى.

فۋتزالدان الەمدىك كوشباسشىلار تىزىمىندە برازيليا (1684,97 ۇپاي) جەكە-دارا 1-ورىندا تۇر. ۇزدىك وندىق كەلەسىدەي:

1. برازيليا – 1684,97;

2. پورتۋگاليا – 1575,32;

3. يسپانيا – 1574,39;

4. ارگەنتينا – 1513,38;

5. يران – 1507,71;

6. ماروككو – 1486,53;

7. رەسەي – 1430,32;

8. قازاقستان (+1) – 1403,8;

8. ۋكراينا (-1) – 1400,89;

9. فرانتسيا – 1397,25.

ەسكە سالا كەتەيىك, بيىلعى جىلدىڭ 16 قاڭتارىندا ۇلتتىق قۇرامانىڭ باس باپكەرى بولىپ تانىمال برازيليالىق مامان ريكاردو كامارا سوبرال (كاكاۋ) قايتا تاعايىندالعان بولاتىن.

كاكاۋ بۇعان دەيىن 2013-2018 جىلدار ارالىعىندا قازاقستان قۇراماسىن جاتتىقتىرىپ, ەلىمىزدى ەۋرو-2016 دوداسىنىڭ قولا جۇلدەسىنە يە ەتكەن ەدى.