نۇر-سۇلتان قالاسىندا جانە ىرگەدەگى ەلدى مەكەندەردە اۋا رايىنىڭ كۇرت ناشارلاۋىنا بايلانىستى ازاماتتاردى قار قۇرساۋىنان قۇتقارۋ جۇمىستارىنا ۇلتتىق ۇلان جاۋىنگەرلەرى تارتىلدى, دەپ حابارلايدى Egemen.kz.
ەلوردانىڭ تجد سۇراۋى بويىنشا 2021 جىلدىڭ 23-24 ناۋرىزىنا قاراعان ءتۇنى 5573 اسكەري ءبولىمنىڭ 52 اسكەري قىزمەتشىسى اپاتتىق-قۇتقارۋ جۇمىستارىنا جانە نۇر-سۇلتان-ارشالى, نۇر-سۇلتان-قوياندى تاس جولىنداعى جەدەل جۇمىستارعا تارتىلدى.
بەلگى تۇسكەن ساتتەن باستاپ اسكەري قىزمەتشىلەر 4 دانا جوعارى وتىمدىلىگى بار تەحنيكامەن قۇتقارۋ جۇمىستارىنا كىرىستى. ناتيجەسىندە تاڭعى 5.00 شاماسىندا قار قۇرساۋىنان 30 اۆتوكولىك جانە 50-گە جۋىق ادام قۇتقارىلدى.ولاردىڭ اراسىندا ەگدە ادامدار, ايەلدەر جانە بالالار بار. اسكەري قىزمەتشىلەر سونداي-اق قۇتقارىلعان ازاماتتاردى ىستىق شاي جانە بۋتەربرودتارمەن قامتاماسىز ەتتى.